الشاعر تحسين الخفاجي

2023-02-07 10:38:54

باز کردن / نظر دهید

2023-02-07 01:22:47

باز کردن / نظر دهید

2023-02-05 11:48:38 نعي الى السيده زينب عليها السلام
****
ما جيت ما جيت تشيل اجنازتي جا ليش ما جيت
ونيت ونيت ثلث مرات خويه عليك ونيت

تكطعون تكطعون ليش وياي يحبابي تكطعون
يشيلون يشيلون اكبال عيوني شو كامو يشيلون

بسك وياي بسك وياي يدهري اشبيك خايب بسك وياي
فرفح اهواي فرفح اهواي تره كلبي عليهم فرفح اهواي

اتريد خوان اتريد خوان يهل الناس الجنازه اتريد خوان
كلكم احنان كلكم احنان اشعجب ما جيتو وانتم كلكم احنان

خاطر ارتاح خاطر ارتاح يمته الجفن يغمض خاطر ارتاح
اتلزمه الصفاح اتلزمه الصفاح تره الفاكد عزيزه اتلزمه الصفاح

لو اندلكم لو اندلكم انه اسكنها المكابر لو اندلكم
اتريد منكم اتريد منكم اختكم يالخوان اتريد منكم
وين ما وين وين ما وين صحت يهل المحنه وين ما وين
تهمل العين تهمل العين كل مغرب عليكم تهمل العين

ايعيل بيه ايعيل بيه مر افراكم ويعيل بيه
وتموت اديه وتموت اديه ادكن بابكم وتموت اديه

وين اهلها وين اهلها تصيح الناس كامت وين اهلها
اشويه خلها اشويه خلها يشيل الجنازه اشويه خلها

جليلات جليلات تره ايام المضن كلش جليلات
ما معودات ما معودات عيوني اعله البواجي ما معودات

والليل خلصان واليل خلصان اسايس بالدمع والليل خلصان
امنين ما جان امنين ما جان تولاني الزمان امنين ما جان


يعتبني الزمن يحسين لو جار
ويصفن الناي كلبي اعليك لو جار
حرت سهمك اطلعه سحل لو جر
وعلي يحسين ماتت حته اديه
***
الشاعر
تحسين الخفاجي باز کردن / نظر دهید

2023-02-04 10:07:32 لحن / كل كطرة دم بشرياني تهتف بسمك يا حسين


بجيت الدنيه وما بيها اشعظم امصابك يا غريب
كل العالم خل اينادي اليوم ابابك يا غريب
يالكاظم حته الطاموره رسمتلك عالحايط صوره
******
الما يمه اهل ويموت تكثر حيرته اهنانه
وانته اول غريب نشوف جان بعازت اخوانه
من كالو الكاظم مات طلعت كلها حزنانه
ركضنه اعله الجسر مولاي ركضت ناس عطشانه

زوارك محتاره الليله اشلون تودعك يا غريب
طلعتلك بغداد بهمنه اتريد اتشيعك يا غريب
والناس التلطم معذوره رسمتلك عالحايط صوره
*******









امن السم جبدك اتكطع وكل جسمك بده يذبل
العذاب البلسجن شفته محد بينه يتحمل
يوم الجمعه ما ندري يوم افراك يتحول
ظلمه الدنيه من بعدك وبيها كلشي ما نندل

جينه اعله الموعد تدرينه وردنه نشوفك يا غريب
يالكاظم بس ما لحكنه نبوس اجفوفك يا غريب
اشيجبرها اكلوب المكسوره رسمتلك عالحايط صوره
*******
يالشايل الكون اشلون هليله يشيلونك
صبرك تعب السجان وما كدرو يتعبونك
بسجنك وانته طول الليل تتعبد يشوفونك
ليش امن الضوه مولاي عدوانك يحرمونك

وياك الحيطان اتسبح من تتعبد يا غريب
صوتك ثوره بوجه الظالم ضل يتردد يا غريب
هالقصه بسجنك مذكوره رسمتلك عالحايط صوره
*******







من الجامعه مولاي ركبتك تجري ليش دموم
عمرك بالسجن جبته وبكلبك حزن وهموم
شالوك اربع احماميل والكون اختلف هاليوم
والناعي يصيح بصوت شيعو الكاظم المسموم

شفنه الشيعه التمت كلها وتندب بسمك يا غريب
وزغار اكبار بدمعتها اتعنت يمك يا غريب
وهارون اقيوده المشهوره رسمتلك عالحايط صوره
*****
الطبيب اتحير بعلتك ويالكاظم كثر همه
اهل هذا الغريب ايصيح خلها اطالب بدمه
اظن من شدت التعذيب هاي اثار البجسمه
ما عنده عشيره ايكول ليش ولا اهل يمه

هالمسموم امن السم جبده اهواي تكطع يا غريب
يا عالم ليش امكيدينه ايصح المدمع يا غريب
والزنزانه اشكد مقهوره رسمتلك عالحايط صوره
*****







نعشك عالجسر مطروح ونارك بالكلب تسعر
وينادي المنادي بصوت شيعو موسى ابن جعفر
حزينه الكاظميه اليوم وريت اتشاهد المنظر
شوف اشجم بشر ملهوف اجاك بجدمه يتعثر

ما حجبو نورك يالكاظم شمسك تضوي يا غريب
والعاشك فرض الحب لازم بسمك ينوي يا غريب
بغداد بدونك مهجوره رسمتلك عالحايط صوره
*****
تمت
تحسين الخفاجي باز کردن / نظر دهید

2023-02-04 10:07:03 احنه منطينك عهد // ما نعوفك للابد
يبو طلبه يبو طلبه
***
جفوفنه بدم الوفه امحنايه
انموت لاجن ما تطيح الرايه
احنه بيك اكلوبنه موصايه
وانته تدري بغيرة المشايه
اجدامنه لو كصرن // زحوف نزحف للصحن
يبو طلبه يبو طلبه
*****
راح صرختنه تضل عبر السنين
وين هارون النذل وعوانه وين
يا غريب ويا شهيد ويا سجين
بدربك احنه من الزغر متمسكين
انته امام الرافضه // واليبغضك نبغضه
يبو طلبه يبو طلبه
*******
يبن جعفر يمك اتعنينه
وما تمل امن التعب رجلينه
صكنه من حيدر علي موقعينه
وشنهي داعش حته يندك بينه
وعلي لو صرنه رماد // نوصل الباب المراد
يبو طلبه يبو طلبه
****


امس بالعوجه انخبط صافيها
وجثث داعش كمنه نسحل بيها
صولات العباس صلنه عليها
وصحنه ابد تكريت ما ننطيها
وصاح ابو فاضل كضت // والحرايب دخنت
يبو طلبه يبو طلبه
*****
يبن جعفر لو يكطعونه وذر
ما نعوفك نقسم برب البشر
احنه قائدنه الامام المنتظر
ودمنه يالكاظم رسم اروع صور
باجر المهدي يرد // ويزرع الدنيه ورد
يبو طلبه يبو طلبه
*******
ما يهمنه الناصبي وتفجيره
الصعبه والعباس عدنه ازغيره
احنه اهل النخوه واهل الغيره
ويمنه ملك الموت ياخذ خيره
صحنه بوجوه الكفر // لازم نطوف الكبر
يبو طلبه يبو طلبه
*****
تمت
تحسين الخفاجي باز کردن / نظر دهید

2023-02-01 10:19:18

باز کردن / نظر دهید

2023-02-01 09:19:13 اتمنيت نعشي اتحمله خواني
وحسين اخوي ايصير دفاني
حاجيني يالايام شتريد مني الشام
كليلهم ما تنكظي احزاني
******
عافوني وحدي بغربتي وعالخد دمعتي اتلالي
واشما اغمضنه الجفن الكه الحبال اكبالي
ويا دنيتي صوط الشمر كل لحضه يتراوالي
واشلون انسه كربله وبيها انذبح جم غالي

واكبال راس حسين ضربوني
وخلوها زركه صارت امتوني
وشتدت الالام شتريد مني الشام
كليلهم ما تنكظي احزاني
*******
جنت بعمر خمسين انه وركض رحت للتله
حسبالي ابو فاضل عدل عالريحه اخوي اندله
ياهو اليخبره بالجره وياهو اعله حالي ايكله
من طاح شيال العلم بانت يناس الخله

عباس فوك المشرعه نايم
وبخيمنه كامت تحرك الوادم
وما خلت النه اخيام شتريد مني الشام
كليلهم ما تنكظي احزاني
*****


هاي انه زينب بت علي والكربله مشتاكه
واشخله بيه اشكد صحت يمه الحسين افراكه
من عندي جم ضلع انكسر لمن صعدت الناكه
ضلينه انه واخوتي بس بالرمح نتلاكه

وحده اويوحده بحبل شدونه
وكبالهم كامو يشتمونه
واحنه حرم وايتام شتريد مني الشام
كليلهم ما تنكظي احزاني
*******
ونيت وجبيني عرك والموت بين عيوني
بهل لحضه وانه بحيرتي ردت اخوتي ايحضروني
كربت منيتي والاجل حان وتغير لوني
اتمنيت اموت بكربله وبكربله ايدفنوني

جنازي كون حسين جنازي
وخلف الجنازه تنحب اعزازي
كلبي اشكثر محتام شتريد مني الشام
كليلهم ما تنكظي احزاني
********







بالشام شفت اشجم جرح لليوم ما ناسيته
يحضر يشيل اجنازتي اهواي الاخو اتمنيته
مليت كلشي بدنيتي بس دمعي ما مليته
دمعي عله اعزاز الكلب مثل المطر خليته

اوحيده رقيه وغربه غربتها
ويمها تريد تموت عمتها
لحضه الجفن ما نام شتريد مني الشام
كليلهم ما تنكظي احزاني
******
تمت
تحسين الخفاجي باز کردن / نظر دهید

2023-01-31 17:40:53 ‏مقطع صوتي من تحسين الخفاجي باز کردن / نظر دهید

2023-01-31 16:51:24 يا دنيه اصيح بدمعتي بحالي عوفيني
يا دنيه حته بموتتي غربيتيني
عتب شايل الكلب اون والدمع يصب
***
انه زينب والعمر خلص بالاحزان بلايه عنوان
والحياة اتصير ظلمه بدون الاخوان بلايه عنوان

هوه التعود عالبجي عيون ايريد
كلشي خسرته والمشه صار بعيد
شيفيد المعاتب يكلبي شيفيد بلا يه عنوان

جبت العمر دمعه وحزن وفراك ومساهر
والجان ساكن بالجفن عن الجفن سافر
صعب ينسي صعب اون والدمع يصب
*
لا تسأليني يدنيه عن حياتي وذكرياتي
حته دخان الخيم بعده بعباتي وذكرياتي

ذاك الركض والصوط ما ناسيته
مذبوح اخوي بكربله خليته
كلبي تغار النوك من حنيته وذكرياتي

من عملتج يا كربله ليلي ما نمته
طايح جفيل العايله اعله النهر عفته
سهم نضرت الغرب اون والدمع يصب
***

انه زينب والمصايب شيبتني وغيرتني
جارت الايام وشكد تعبتني وغيرتني

كل يوم انوح وكلها ملت نوحي
وعكب اخوتي كل ساع تطلع روحي
يمه المصايب اكبر امن اجروحي وغيرتني

وامنين اجيبنه الصبر وانه مشتاكه
اهواي اعله حالي باليسر حنت الناكه
بقت عيني عالدرب اون والدمع يصب
****
ناضري الصوب الغري هليله درته علي ردته
حاضر الشداد يحضر دفن بنته علي ردته

حان الوادع وجنه كرب موتي
ومحد بعد ياروحي يسمع صوتي
ويه اخوتي ايضل يبجي يم تابوتي علي ردته

سلمان اجه الدفنه وانه ماحضر دفني
صايرلي اكثر من سنه ما طبك جفني
اشوكت اسكن الترب اون والدمع يصب
****






اليريد ايموت تلتم كلها يمه وينسه همه
وأنه محد بيده سد عيوني يمه. وينسه همه

بهداي اصيح بحفرتي نزلوني
امن الطف بعدهن يوجعني امتوني
ايطيب اشوكت جرح الكلب حاجوني ونسه همه

وحشه الجنازه بلا اهل كلها تدريها
وهاي الجنازه الكل سال وين اهاليها
دمع عمري منطلب اون والدمع يصب
*
آخر اللحضات جنت اتمنه الحسين ايغمض العين
ردته من بعد المآسي وضيم السنين ايغمض العين

يحضر اخوي الدفنتي اشمحلاته
وفوك الكبر تجري تضل دمعاته
الما شاف فرحه حكه من حسرته ايغمض العين

اتمنه اصلي اخر فرض وختم اجروحي
ويحسين اكول وتنقبض بالعجل روحي
اشبعد للكبر وطب اون والدمع يصب
**
تمت
تحسين الخفاجي باز کردن / نظر دهید

2023-01-31 16:51:05 ما عندي والي بغربتي. ولا يمي خوان
امن الدنيه هاي شحصلت بس دمعه واحزان
تعبني الونين **مشتاكه لحسين
***
مدري ليش اشبع بجي لو صار الغروب
انه هيج مغربه اكظيها جندوب
بله كلبي اعله المصايب بيش مطلوب
انتظر جيت هلي وبعيده الدروب


يا كلبي لا تعتب بعد. كافي امن العتاب
محد يجي منهم بعد. ويمر عله الباب
انطي الوجه وين. مشتاكه لحسين
***
انه زينب والعمر شوغات جبته
يكفي سهر الليل يا ناس السهرته
متني من الصوط جم مره لزمته
كل عذاب الدنيه والله بعيني شفته

اتمنه واحد من هلي. هليله وياي
ويدير راسي القبلتي. وينكط الماي
ابدي الحجي امنين. مشتاكه لحسين
*****
اكبر امن الدنيه ضيم المر عليه
وهيه عملت كربله شمخليه بيه
شفت اعظم فاجعه بذيج المسيه
حسين داست صدره خيل الاعوجيه

مذبوح اخوي اعله الترب. ماضل نفس بي
وعالخيل اصيح بدمعتي. يا خيل ارحمي
كافي تسحكين. مشتاكه لحسين
*****
كون كل اخواني هليله يحضرون
وكلهم يحيطوني وعليه ينحون
انه اريد حسين بيده ايغمض العيون
ويحضر العباس اريده وياليشعيون

هنيالها العده اخون. يم الجنازه
يا ناس والخو تره عازتها عازه
بدلالي نارين. مشتاكه لحسين
**
هاي لحضات الاخيره وكلها تدري
بالمصايب خلصتها اسنين عمري
بكلبي ضلت حسره وحده ودمعي يجري
انه كون بكربله يحفرون كبري

يم اخوتي كون اندفن. حته انسه الآلام
بعده يناس بريتي. دخان الخيام
وشينوم العين. مشتاكه لحسين
****-
تمت
تحسين الخفاجي باز کردن / نظر دهید