2021-07-27 18:59:02
*دي برامج للاستفادة في الدّين ، وللمساعدَة على جهاد النّفس ، والوقت فيما يُفنىٰ !. *
1- برنامج " Khatmah - ختمة ".
برنامج بيساعد على ختم القُرآن في الفترة اللي تحبّوها ، بمُجرد ما بتنزلوه .. بيسألکم عاوزين الوِرد يكون قد ايه والساعة كام ؟! ، وبيبعتلکم Notification لما الوقت اللي حددتوه يجي ، ولما بتفوّتوا وِردکم .. بينبهکم بـ إن في يوم ما قرأتوش فيه الجزء الخاص بيکم..
لينک البرنامج : https://play.google.com/store/apps/details?id=com.khatmah.android
2- برنامج " Mushaf ".
وده برنامج قُرآن ، فيه القُرآن كاملًا بصوت شيوخ كتير ، وكذا تفسير بتختاروا التفسير اللي تحبّوه ، والميزة فيه انّه ملوّن الحروف اللي ليها أحكام ، وتقدروا تعرفوا احكام التچويد ، ولو بتحفظوا القرآن فـ هو بيساعدکم على إخفاء الآية لحد ما تسمّعوها وتظهروها تاني ، ده غير انّه بيسجلّکم مرجعيات وآخر صفحة كُنتوا فيها كـ Archive .
لينک البرنامج : https://play.google.com/store/apps/details?id=com.abdo.quran
3- برنامج " Ayah ".
وده برنامج للقُرآن زي رقم 2 بس مافيهوش احكام تجويد ، ولا امكانيه اخفاء آية ، فـ انا بفضل برنامج رقم 2 ، ومع ذلک ..
ده لينک البرنامج : https://play.google.com/store/apps/details?id=com.ayah
4-5 برنامج " Auto - Athkar for muslims " ، و برنامج " اذكاري ".
دول بحملّهم مع بعض علشان انا طماعة جدًا بصراحة ، تقدروا تتحكموا في الخط واللون للاذكار ، وكمية الاذكار اللي بتظهر لکم ، و اذكار الصباح والمساء والنوم الخ..
ده غير ان رقم 5 ، فيه ادعية للحالات ، بمعنى لو انتم فرحانين .. يقول لكم دعاء تقولوه وقت الفرْح ، لو زعلانين .. يقولكم دعاء علشان تهدأوا ، ولو مضغوطين .. او عندكم حالة يأس .. او بتذاكروا ، الخ .
وده لينک رقم 4 : https://play.google.com/store/apps/details?id=com.revanen.athkar
وده لينک رقم 5 : https://play.google.com/store/apps/details?id=com.mbh.azkari
6- برنامج " Azan Azkar ".
ده برنامج قبل الصلاة بـ 15د بينبهکم علشان تقوموا تتوضأوا ، وبيأذن مع الأذان لو انتم برّة البيت ومحتاجين تكونوا عارفين مواعيد الصلاة بالظبط ، ده غير انكم لو في مكان مش عارفين القبلة .. بيحدد لكم مكان القبلة الصحيحة ، وده غير ان فيه احاديث كتير وادعيه ، وكيفية صلاة الاستخارة الخ.. وفي التقويم الهجري ، وتقدروا تعرفوا مواقيت الصلاة بالدقيقة .
لينک البرنامج : https://play.google.com/store/apps/details?id=com.abdo.azan.zikr
7- برنامج " موسوعة الأخلاق ".
ده برنامج فيه أخلاق اسلامية محمودة ومنبوذة ، وأدلّة من القرآن والسُنّة ، وهو مُبهج جدًا .. لو في صفة زي اليأس مثلا وعاوزين تتخلصوا منها وتعرفوا عواقبها في الاسلام من القرآن والسنّة .. مُجرد ما بتقرأوا حكاية الصفة دي في الاسلام من القرآن والسُنّة بتجاهدوا علشان تتركوها ، ولو مثلًا نفسکم تتحلّوا بصفات حسَنَة زي الإحسان .. بيحببِکم فيها ، فـ بإذن الله هيساعدکم في اصلاح قلوبکم وصفاتكم .
لينک البرنامج : https://play.google.com/store/apps/details?id=com.zad.akhlaqpedia
8- برنامج " ميراث النبيّ ﷺ ".
وده برنامج تقدروا تضيفوا فيه تنبيهات كتير ، بتتكرر على حسب الوقت اللي تحددوه ، والتنبيه ممكن يبقى :
* تنبيه الصلاة على النبي.
* تنبيه بالباقيات الصالحات.
* تنبيه القيام.
* تنبيه الاذكار.
* تنبيه سيد الاستغفار.
وكذا تنبيه تاني ، وبمجرد ما بتفعّلوا التنبيهات ، مثلًا عملتوا الصلاة على النبي ، فـ لما بيجي الوقت .. بيقول " صلّ على مُحمّد " ، فـ تخيلوا وانتوا ماشيين في الشارع التنبيه ده رَن والنّاس صلّت على النبيّ بسببكُم ، كام حسنَة هتكون في ميزانكم بإذن اللهّ ! :') ، بس اهم حاجة علّوا صوت الموبايل والـ Notifications تحديدًا .
وده لينک البرنامج : https://play.google.com/store/apps/details?id=com.alsahirAndroid.merth
الله يحبّک ويرضى عنّک ويرضيکِ يا رب .
منقول
109 views~عآبرة سبيل, 15:59
ط
