اليوم صار عمري 23سنة صار مارق سنتين على انفصالنا.... تخرجت من | نَۖــوَاْعۗمٌ (قصص)🎶❤
اليوم صار عمري 23سنة صار مارق سنتين على انفصالنا.... تخرجت من الجامعة وخلصت محاماة ,,أي صرت محامي ,,قصدي افوكاتو متل ماكنتي تقوليلي.... تأخرت شوي في بدراستي كرمال اوضاعي المادية يلي كنتي بتعرفي بتعرفيها وهي ذاتها الاوضاع يلي رفضني والداك كرمالها كل شي حلو ومنيح التخرج والاحتفال حتى انو لقيت وظيفة بمكتب محاماة مبدئيا حتى صير قادر افتح مكتبي الخاص كل شي كان مميز الا انك ماكنتي موجودة اليوم_صار عمري 26سنة صار مارق 5سنين على انفصالنا واخيرا فتحت مكتب محاماة خاص فيني وبلشت استلم القضايه الأولوية لدعاوى النساء يلي بيتعرضوا للعنف وما عم يقدروا يطلقوا كرمال ما ينحرموا من ولادهن ..لانو هيدا كان طلبك من بعد ماتعرضت والدتك للعنف والطلاق ونحرمتي من شوفتها 10سنين المكتب حلو وبنص المدينة ومافي شي ناقص الا وجودك بمكتب السكرتيره متل مااتفقنا اليوم....صار عمري 28سنة صار مارق 7سنين على انفصالنا شتريت الجيب يلي كنتي تحلمي فيا لونه اسود من برا وفرشه خمري من جوا وبقلبه سقف لانو كنتي عطول تقليلي بتتمني تطلعي منها ويطيروا شعراتك انا وعم سوق فيكي الجيب حلو وكل شي فيه بجنن مافي شي ناقص الا وجودك على الكرسي يلي حدي اليوم صار عمري 30سنة صار 9سنين مارق على انفصالنا دفعت مقدم بيت احلامنا بنفس شارع يلي التقينا فيه اول مرة .طابقين متل مااتفقنا الطابق الفوق غرفتين نوم صغارللاولاد وغرفة نوم كبير النا وفيها حمام كبير وجاكوزي متل ماوعدتك وبالطابق تحت فتحتلك المطبخ على صالون ليصير اكبر كنتي عطول تقليلي بتحبي مطبخك يكون كبير البيت حلو كتير ما في شي ناقصه الا وجودك
