2021-08-09 17:48:47
من أكثر اللحظات المحرجة الي تمر بحياتي كشخص ؛
من اكون گاعد بكوفي ويجي شاب بعمري أو أكبر مني يكلي" بشنو تأمرني؟!"
أني أأمرك!!!
انت ممكن تگلي مكان الشغلة وين وأني اگوم اجيبها بأيدي !
أو اكون داخل بعمارة أو مجمّع ،
والحارس الي بعمر والدي يگلي تفضل حضرتك !
ويگوم بسرعة يفتح الباب أو يشيل شغلة تمنع مروري ..
أني مو حضرتك!...
ليش حتى اكون حضرتك !
وبشنو تأمر !
ليش احد أكبر مني يضطر يتعامل وياية هيچ ! بسبب فرق الفرص ؟!
بسبب ضروف صعبة غيرت كثير من الأشياء والطموحات ؛
من احد يگلي هيچ احس نفسي اريد اگلة أني مو حضرتك والله
أني " لاشيء گدام كرامتك" !!
_ يا جماعة الإحترام مو الفرق المجتمعي والطبقي .. " الكبير كبير حتى لو عامل نضافة ".
_يا جماعة الإحترام قبل مايكون " نظام عمل " لازم يكون ( تقدير ).
_يا جماعة الإحترام لازم ينفرض علينا تجاه الناس هاي.. مو (عليهم) أبداً.
و انت أكبر منّي تكون فوگ راسي ..
هذا الي أني تربيت عليه
أهم شي الإحترام وإنك ماتحسس احد انو أقل منّك بسبب (ظروفة) ..
خلّيك إنسان قبل اي شي ثاني ؛
وفكر بمشاعر النّاس وخلي نفسك بمكانهم.
#ثامــــــــــــر
@university234
1.1K viewsثامر , 14:48