' أنا ما أنت، و أنت ما مطلوب منك تكون أنا.' المفهوم الغلط الم | خواطِر،إقتباسات وقِصص🌷📖
" أنا ما أنت، و أنت ما مطلوب منك تكون أنا."
المفهوم الغلط المنتشر هو اننا كلنا بنقيس كل التجارب و كل العلاقات في حياة بعض على اساس وجهات نظرنا أحنا.
_بنشوف انو الموضوع ده بسيط يبقا بسيط _القصه ما تستاهل يبقا ما تستاهل _زعلو تافهة شديد _مكبر الموضوع _بقدر يتجاوز في ظرف يومين..
مشكلتنا معتبرين كل الدُنيا بنفس تحمُلنا و بنفس قوتنا و بنفس ضعفنا. بننسى انو كل زول عندو طاقة مختلفة، ال سبب الفلانى لو ما بزعلك هو بزعل فلان لو انت ما اتضايقتا من الموقف ده في غيرك بضايق احنا ما واحد و لا مطلوب مننا نكون واحد.
منو فرض زمن معين عشان الإنسان ده يتجاوز؟!.. أنت فرضتا لانك ختيت نفسك بمشاعرك مكانو بس هو للأسف ما نفسك و لا شايل مشاعرك و لا حتى بالمنطق بشبهك..
ماف حاجة اسمها ليه يزعل؟!.. هو ما دام زعل يبقا في سبب منطقي..
و لا في حاجة اسمها مكبر الموضوع هو شايف الموضوع كبير يبقا فعلاً كبير
ما ليك حق تقول انو زول منفسن او زول زعولى ساي.. هو كده.. عدم تقبلك ليهُ دي مشكلة فيك انت ما فيهُ هو..
