2022-07-30 22:48:07
"
وجود إنسان يمشى معاي المشاوير الطويله من غير يزهج."
_ما مهم احنا منو، المهم معانا منو!..
و ما مهم بنقدر نعمل شنو، المهم منو شايف إنجازاتنا دي
ما مهم تعبنا، على قدر ما مهم وجود إنسان يصفق لينا
احنا بنقدر نحارب برانا، بس الفكرة في وجود إنسان تقدر تخسر معاهو و تكون مطمن...
مطمن لانك ما براك.
_فكرة وجودك صنعت جواي مليون فرح، خلت الخوف بعيد و الأهم انها صنعت جواي انسان بحاول
بحاول يستمر و بحاول يحب من اول و تاني
أنك تكون جمبي في ظل الظروف ال خلتني اتعلم اعيش براي
معجزة انك موجود بعد سنين من الوحدة، و معجزه اني معاك بديت اعيش من تاني
فكرة كل يوم بتخليني اقول " وين انت من زمان؟!.."
سرقك مني الزمن و لا جابك لي يادوب!..
حا تكون لقدام و لا فترة مؤقتة
في كل الاحوال انت فكرة صنعت جواي حياة
قادر تشوف وجودك عمل شنو؟!..
قادر تشوف اني اقتنعتا اخيراً انو الإنسان مهم لمن يكون معاهو صاحب اهم.
2.3K views19:48