2022-05-10 01:12:39
سلامي وتحياتي لطلاب خامس صعدوا للسادس #الجدد او طلبة المعيدين( الطالب العايد سنة ) #دفعة_2023
حبيت انصحكم كم نصيحة تفيدكم بهاي مرحلة وانطيكم اكثر غلط يوكع بي طالب سادس ...
#اول_شيء هاي مرحلة هي تحديد مصير 12 سنة دراسية يعني تكدر بهاي مرحلة تفرح اهلك وتبني نفسك وتبني مستقبلك وايضاً تفيد بلدك اسمع هاي كم نصيحة ..
1_ عيناي ترا الي يكلك سادس صعب وما تنجح من اول دور او اله تعيد هذا ابتعد منه مسافة ٥٠٠ متر لان فد واحد جذاب وجاي يحجيلك تجربته فاشلة ... ابتعد عن المحبطين
2_ ثق بنفسك اول شيء وثق بربك وعلاقتك قويه ويا رب عالمين على مود يوفقك ويسهلة عليك ... ترا رب عالمين شكد ما تتعب يفرحك وينطيك على كد تعبك او اكثر
3_ صديقي تريد تنجح ونجاح مو اي نجاح اعتيادي وتريد معدل فوك ٩٠ عليك بتحظير اليومي ترا والله بدون تحظير يومي مستحيل مستحيل تنجح وتجيب معدل اقره يوم بيومه وديررربالك تكول باجر اقره او بعشوي ... اعيد لو فهمت
4_ الي طلع من هاي مرحلة وجاب معدل عالي هو مو احسن منك ولا عنده عقل اسطوري مجرد قره بتركيز واجتهد وثق بنفسه وبربه وتعب على نفسه شويه ... انت بيدك تكدر تطلع بمعدل عالي او تكدر تفلش مستقبلك و تاذي نفسك
5_ مادة سادس تريد تكرار وتريد مراجعة تدري ليش ؟ لان مواد هواي وتنسي بسبب قلق والخوف فـ انت اذا تريد تثبت معلومة براسك راجعة بين فتره وفتره ... سلاحك مراجعه دروسك وتكرار معلومات
6_ صديقي اهم شيء فتره نوم لازم تنام ٨ ساعات كل يوم وساعة منهن ظهر وعادي اذا تنام ١٠ ساعات بس اذا دكلي انام ١٢ ساعة تعال خليني اكتلك
7_ عقلك داري واهتم بي .. هسه دكلي شلون راح اكلك بتغذية ابسط شيء اكل فواكه خضروات حليب مكسرات هذنه كلهن يساعدن عقلك على حفظ وفهم والاستعياب وعلى حفاظ بلمعلومة ....
8_ ترا سادس مو سجن لازم تطلع بين فتره وفتره او حتى اذا تطلع كل يوم فد ساعة او ساعتين تتمرن رياضة تلعب لعبه تحبه كلش عادي .... يعني اخذلك ريست حاول بين فتره وفتره
9_ مالك شغل بفلان جان يقره ٢٥ ساعة كليباتي اقره براحتك بس حاول تضغط على نفسك اذا تريد معدل ونسيت اكلك كلما تقره نص ساعة اخذ ريست ٥ دقايق
10_ ديربالك تكول هاي ماده صعبه ترا وداعتك وداعت وجهك كلهن سهلات مجرد يردن واحد يقره ويراجع وكون عنده ثقه بنفسه وبشخصيته
11_ اقره بمكان نظيف ومرتب يعني رتب مكانك ونظفه ع مود يصيرلك واهس
12_ كلما تتعب بعطلة راح فتره مدرسة تسهل عليك حاول تقره بـ عطلة مواد شرحيه مثلا أدب احياء اقتصاد فيزياء هذنه سيطر عليهن
13_ تريد تدخل خصوصي بكيفك واني اكول ابد ما يحتاج لان خصوصي مجرد صيت وهوسه بلا معني يعني يضيع من وقتك ٤ ساعات على محاظرة تكدر تشوفه بل يوتيوب ما اطول ٤٥ دقيقه واذا دكلي شلون ٤ ساعات راح اكلك الروحه والجيه ومن تنتظر مدرس ومن يعلسك ومن ترجع تعبان تاخذ ريست ساعة وبعد انت اعرف وصدكني تكدر تقره بليوتيوب وتحصل معدل فوك ٩٠ وهذا كلام مو من جيبي
14_ خلي مصدرك واحد مو كل شهر تبدل ملزمه ديررربالك ترا بعدين تصير عليك هوسه
15_ تريد تقره بليوتيوب عندك محمد عبد الواحد عربي إنكليزي مصطفى حاتم رياضيات حيدر وليد فدشي او حيدر عبد الأمة كيمياء هاشم غرباوي و قصي المالكي و وانت شوف الانسب الك بعد فيزياء اسامه الشاهين ..... صديقي انطيك وعد اذا قريت عليهم وسويت وياهم دفاتر او جبت ملازمهم صدكني تجيب معدل فوك ٩٠ لان ترا والله شرحهم فدشي وشرحهم عباره عن وزاري وتكدر تعيد مقطع فيديو الاف مره اذا ما فهمته او تكدر تشوف موضوع يم غير مدرس اذا ما فهمته .... تريد تقره على نت كون عندك التزام ويا روحك واذا تريد خلي شخص يسويلك جدول و اني راح اسويلكم هم
16_ ديرربالك من تسخيت وديربالك من جهاز ترا سبب دمار طالب سادس هو النت و الجهاز و البرامج تسرق بوقتك بدون ما تدري
17_ #والختامية رب عالمين يكول اسعى يا عبدي واني اسعى وياك .... شد حيلك وادرس ورب عالمين يوفقك ... مستقبلك اهلك وطنك كلهم متعلقين بيك فـ شد حيلك واتعب بس هاي سنة ترا صدكني تبدي منا وتخلص وانت ما حاس بيه استغل كل وقت وديربالك فد يوم تسهر
وربي يوفقكم العزاز هاي نصائح تفيدك تكدر تجيب معدل فوك ٩٠ بسببهن
1.5K views22:12
س
