الامام الجواد ع موشح نجفي ياجواد اهل الكرم والمعرفه صعب فكَدك | قصائد حسينية مكتوبه

الامام الجواد ع
موشح نجفي

ياجواد اهل الكرم والمعرفه
صعب فكَدك بيش احنه انوصفه
......................
شاب ماشفت ابحياتك بس ظلم
ومن هضم كضيت عمرك للهضم
من الطفوله عالمصايب منفطم
يالعشت محروم من العاطفه
........................
حاربوك ابصغر سنك يالولي
مثل ما سووهه وي جدك علي
انت لازم عالمنابر تعتلي
مو امحارَب مُظطهَد شخصك صُفه
........................
سمموك وعالسطح جسمك بقه
مادرو سكان كل المنطقه
وابثلث تيام بالحر ارتقه
انت يالمتسمم وبالحر غفه
........................
وسفه ماسمعو غياثك من صحت
سدت ام الفضل بابك من وكت
وحدك ومابين اديهه ودعت
من الألم صوتك يبو الغيره اختفه
........................
عشت هالدنيه ابظلم حكم الكفر
وانتهت محروم من كل العمر
مثل صبرك سيدي ماكو صبر
حكَنه دم بالدمع لجلك نذرفه
..........................
ماشفت بِعداك رحمه ولاعدل
اليعتنيك ايريد علمك ينقتل
هالعقل مولاي لجلك منذهل
بعد عينك والله عالدنيه العفه
............................
يالجواد الموت ماخذ همتك
رادت اتعيش الخلايق رحمتك
ياحسافه اعداك ضدهم سمتك
وماكو من الناس شخصك ينصفه

الشاعر ياسر العارضي


https://telegram.me/aabas78
قصائد لكل ايام محرم اشترك بالقناة