( التنازل عن التغيير ) إذا شفت إن حياتك تزداد سوء أول شيء توق | عبدالله الهاشمي
( التنازل عن التغيير )
إذا شفت إن حياتك تزداد سوء أول شيء توقف عن رغبتك في تغييرها، هذا الكلام يبدو غريبا ولكن الحالة اللي وصلت لها هو بسبب المقاومة الرهيبة اللي تشبه النيران المشتعلة وهذي الرغبة إنك تغير حياتك تعمل ضدك هي اللي تزيد من اشتعال هذي النيران اللي تزداد توسعاً وضراوة كأنك تصب الزيت بالنار ..
تنازل عن رغبتك بأن حياتك تتغير، التنازل لايعني التخلي، يعني إنك ترجع خطوة للوراء حتى ترى الأمور على حقيقتها، بوجود هذي الرغبة المجنونة أنت أعمى، تقريبا مثل شخص يلصق راسه بالجدار ليرى الرسمة الموجودة عليه، بالرغم إنه في اقرب مكان من الرسمة ولكن لايمكنه مشاهدتها حتى يرجع للوراء
قول خلاص حياتي ما ابيها تتغير، أنا اتنازل عن رغبتي في تغييرها، بعيش مثل ماأنا بنفس وضعي، اعرف إن الكلام سهل ولكن صدقني بحالتك المأساوية جدا هذا هو حبل الإنقاذ بالنسبة لك، ماراح يفيدك معلم ولاماستر ولاراقي ولا رجل فضائي، التنازل عن رغبتك بالتغيير هو اللي يخفف مأساتك الشديدة
ايش قصدك يعني ابطل اغير حياتي؟ لاطبعا، ولكن رغبتك هذي عبارة عن سم هاري مو رغبة للتغيير حقيقية عشان تتمسك فيها، هذي رغبة مدمرة تحرق الأخضر واليابس، وإذا استمريت متمسك بهذي الرغبة القاتلة في وضعك هذا سوف تجد نفسك في نهاية المطاف تراودك أفكار التخلص من نفسك والخروج من هذا العالم
اعرف إن هالكلام نادر تسمعه وإن أغلب مناهج التغيير تخاطب هذي النوعية من اليائيسين جدا بمزيد من التحفييز والحماسة، ولكن التحفييز هنا لايعمل .. أنا كلامي مش موجه لواحد عنده مشكلة أو محبط أو عنده ركود بحياته، كلامي موجه لحالات الحضيض السحيقة جدا
