صرخة الضمير هل من ناصراً سمع كلبي وعفت اهلي ورحت شفت دربي ل | الشاعر عبدالله الفريجي

صرخة الضمير
هل من ناصراً سمع كلبي
وعفت اهلي ورحت شفت دربي
لبيك مولاي يبو الاكبر
من كلبي احجيه يا حبي
.
بكل همه وعزم
رحت اركض الك
جايب دمعتي
وجاي لمجلسك
.
لبيك يا حسين
…………………….
فززني النعي على اضعونك
وكلبي سيدي هوه اعيونك
غير لوني بدمع عيني
يالشمس الله خذت لونك
.
كون ابجي وادك
حيل اعلى الصدر
لنومك عالترب
بشموس الضهر
……………….
يا كون الماي اذا اشربه
توديني الغيره عالغربه
شلون براحة اشرب اميه
وابن الزهراء عطش كلبه
.
يا ذاك العطش
الميسده نهر
عطشلك كمر
وكاسرلك ضهر
………………….
كون المولاه بقى وحده
دمعاته يعيشن بخده
وحده وحاير بقه بضعنه
عكب الكافل بقى بشده
.
اليدخل للحرب
وما عنده اخو
تبين غربته
كدام العدو
………………………..
لبيك مولاي اضل عمري
ابجي وانعي وادك صدري
لبيك واعيونك تباوع
كل وانت تضل كسري
.

كل لحضه وتضل
بكلبي محبتك
كل لحضه واضل
ابجي لغربتك