دخيلك يا ابو عبدالله يالبكل العطش رواي احجيلك حجي گلبي وانت | الشاعر عبدالله الفريجي

دخيلك يا ابو عبدالله
يالبكل العطش رواي
احجيلك حجي گلبي
وانت ورحمتك مولاي
.
انه احبك على كدي . اقل كل اليحبونك
وجبيرة كلمة الخادم . علي يم اليخدمونك
ضايع كلبي بالدنيه . وخذتني رحمة عيونك
دخيلك يا ابو الاكبر . دخيل اليبجي لضعونك
.
…………………….،،،،،
المثلي وين يا مولاي
من مجلسك والدمعه
انت الزهره الدور
عزائك مثل المضيعة
.
شكبرها رحمة اعيونك . لمصابك ابحي خلتني
من الوحشة البروحي . لاُنس الدمعة جابتني
برحمتك جاي اواسي امك . ووياها الطم بحزني
واتخيلها من الطم . وتون وتصيح اه يبني
………………………..
يا دمعة وكسر خاطر
تكفي لضلتك وحدك
عطشان وبلاية اخوان
وكطرة ماي ما عندك
.
شنو نفع الدمع مولاي . من يصبه خَدامك
وانت امن العطش كوة. تمشي و تنگل اجدامك
عطشان ونضر عينك . تديرة لغربة اخيامك
وعبدالله الرضيع يموت . من العطش كدامك

…………………..
مولاي الجرحني بيك
جنت بيدك ترشف الخيل
ليش الماي ما غزر
وداست على جروحك حيل
.
بيمينك جان اكو عباس . وبيسرتك واكف الاكبر
شصار وغمضت عينك . يا مولاي فوك البر
جا غير امك الزهراء . وابوك المرتضى حيدر
جسمك ليش لاهل الخيل . صار بكربلاء معبر
………………………..
عادات العرب مولاي
من يموت شيخ الكوم
من كثر البجي والنوح
بالديرة القيامة اتقوم
.
بس انت ولا واحد . حنى يم طولك اضلوعه
وانهد حيله يا مولاي . ويمك طاحن ادموعه
بس اختك على الهزل . تبجيلك وموجوعة
بهداي البجي عدها . متون ونة مسموعة