على الهادي اصب دمعي واضل الطم على ضلعي عاشر جرح هو بگلبي يان | الشاعر عبدالله الشويلي
على الهادي اصب دمعي واضل الطم على ضلعي
عاشر جرح هو بگلبي ياناس لَجمة فگده لَجمة عين عباس
انه الزهره وادموعي على ابني الهادي هماله قبل موته يهل العالم ميته بكربله اماله جرحه صعب مثل حسين ما ضل گلب ما شاله شكثر يبچي اعله عماته انطبع درب السبي اباله
الجزع واضح على عيونه على حسينه انخطف لونه
صبح ومسه يهمل دمعه بحساس لجمة فگده لجمة عين عباس . . . . دمع حار ويِّچَوي الخد على هادي اصبنه بحرگه الطم على ضلوعي والمكسور اتعبنه ابن تاسع شمس هذا الخله بالگلب أْنْه بكثر ما شايغ اعله الطف بكل عاشر اشوفنه
لَعماته يجي ضامي ويماشيها بگلب دامي
ويطيح امنِ الالم لو عاين والطاس لجمة فگده لجمة عين عباس . . . . مثل ما ادور العِزيات على ابني المنذح ضامي ادور مجلس الهادي واحضرنه بگلب دامي مثل المنتظر ضليت ماكو راحه بياامي حتى من اغفه يا هل الناس حوافر تمر بحلامي
لهسه اسمع عظم ينطگ ورقيه تصيح يبابا الحگ
لسه اوليدي اشوفنه بلا راس لجمة فگده لجمة عين عباس . . . . آآآ يحسين دوم اصرخ وااا يمصابه وصوابه وبثالث رجب اصرخ آآآ يالهادي ومصابه واجي السامره مهضومه ودمعة عيني سجابه وارد ابتسم بدموعي امنَ شاهد لمة احبابه
بدمع عيني الاگيهم واسجلها اساميهم
عطرهم احلى من المسك والياس لجمة فگده لجمة عين عباس . . . . كل السمه والبيها بمصاب الهادي حزنانه وابوي من البچي يا ناس تغير رسمه والوانه مَلك تعصد مَلك تنزل تجي يم گبره لهفانه مريم والمسيح بضيج كلها تعزي ويانه
بدمع من دم يواسوونه بمصايبنا يعزونه
انتشر وسط العوالم حزن الاحساس لجمة فگده لجمة عين عباس
