انكسر گلب الحجر والناس مدري شبيها تتبسم كل جف يرجف امنِ الشد الحبل صار احمر من الدم وما صدگنا طبت السوگ رقيه تكول جاي احلم تطشرنا عيون الناس ولو راحو نرد نلتم
هي المشكله الذباح يتمرجل سِرِب ماكو الضعن ضل يمشي شد وحل مثل حرگ الخيم كل سوگ ما يرحم زينب وين اسمعها الخلگ تسأل
يا غربتي...... يا غربتي....... يا غربتي . . . . بعد الطف اجاني الشام چَنه كربله وضيمه الحرگوا كلبي ما يدرون يوادم گلبي مو خيمه
بساعتها ردت والله تبلعني الأرض وارتاح الگاعد عالعرش ملعون شَبعني حچي واصياح غشمه والله مايدرون ابو فاضل هَوى وما راح فز بداخلي العباس ورديت السهم برماح
كِسرت خاطر السجاد طبتنه اُمده الدنيا الذي للشام ودتنه عبي حمره وثكالى فاگدين شيوخ حيطان القصر تبچي اعله ونتنه
ياغربي...... ياغربتي...... ياغربتي . . . . الغربه من اموت بعيد شسموها منَ اموت بشام كلها أعدائي ديرتهم وآدم كل حجبها اسهام
كلها اتگلي مسبيه محد گلي علويه ما احبهم وحق عباس وادم كتلوا ارقيه
ضلموا روس اخوتي هواي وحَدَب منهم السجاد الديره الما تحب حسين ابد هالديره ما تنراد بقايا الخيم جابوها ونثروا عالضعينه ارماد شكثر فرحوا لمن شافوا الهواشم بالحبل تنگاد
محبس من اخوي انباگ واعمامه اشاگف بيدي هذا الليل ما انامه بعد يا حجي يجبر خاطري المكسور وگالولي سكينه تضل خدامه
