بابا وماما لسه راجعين من عند المأذون واطلقوا ج/ إنا لله وإنا | محمد عطية - الآسك

بابا وماما لسه راجعين من عند المأذون واطلقوا

ج/ إنا لله وإنا إليه راجعون ..

اسمعي مني جيدا:

- دي مش أكبر مصيبة في الحياة .. لعل طلاقهم أهون بكتير من استمرارهم في علاقة تستنزفهم وتطلع أسوأ ما فيهم، وبالتالي ده هيطلع عليكم أزمات نفسية وفقد للثقة في كل شيء.

- مش معنى طلاقهم إنهم حد وحش .. بابا ممكن يكون كويس جدا، وماما كذلك .. لكن كويسين وهم مش مع بعض .. لأن طباعهما متنافرة.

- بالتالي باباك له حق البر والاحترام .. وماما كذلك أضعافا ثلاثة .. أنتم كأولاد مالكم دخل باللي حصل ..

- طلعوا نفسكم تماما من أي خلافات بينهم .. وما تسمحوش لحد منهم يقول كلمة وحشة عن التاني ..

- أبشروا بالخير.