زوجي شتمني المفروض اعمل ايه رغم انه كويس معايا معظم الوقت ودي | محمد عطية - الآسك
زوجي شتمني المفروض اعمل ايه رغم انه كويس معايا معظم الوقت ودي اول مره ؟
ج/ عيب يا جماعة والله !
ما ينفعش دقائق حياتكم تجروا بها كده على بره علطول ..
الاستشارات بتكون لعادات مستمرة تكدر الحياة وعصية على العلاج ..
أو مشكلة قائمة أو حتى متوقعة بمعطيات واقعية ومنطقية !
أما موقف زي ده أي حد فينا -حتى اللي بتسأليهم- ممكن يقعوا فيه تحت ضغط ما، أو حين ضعف ما، أو بسبب مش عارفينه ممكن تكوني أنت عاملة فيه مصيبة = فحله تنتظري وقت صفا بينك وبين زوجك وتتكلمي معاه ..
تتلاوموا وتتعاتبوا وتاخدي حقك تالت ومتلت بطريقتك كزوجة وحبيبة .. وما دام ده مش طبعه فهو أكيد زعلان أكتر منك وأكيد واخد عهد على نفسه ما يعملهاش تاني .. وأنت بذكائك تساعديه على كده وترسخي احترامك والإحسان إليك جواه !
