س: لو حضرت اخدت بالك من كيو بتاع الشخص اللى سابنى و خطب غيرى ح | محمد عطية - الآسك

س: لو حضرت اخدت بالك من كيو بتاع الشخص اللى سابنى و خطب غيرى حابه اقول لحضرتك انه كان طول الوقت بيطلب منى صور مش كويسه و لما كنت برفض كان بيعمل معايا مشكله كنت بقوله حرام و ربنا مش هيرضى عننا و كان بيروح يعمل كدا مع بنات تانيه بيقولولى انه ربنا نجانى منه و انه مش كويس طب ازاى و ربنا رزقه بواحده كويسه


ج/ المشكلة عندك أنت !

تقييمك للأمور مختل تماما.

وما ينفعش أصلا تسألي عن واحد زيه .. سيما إنك في السؤال الأول خافية التفاصيل دي تماما، بس كنت عارف إن فيه حاجة غلط !

ملعون أبو ما تسمونه حبا، وتلطخون الحب بنسبة هذا الذل والمرض له.

......

س: كنت متعشمه خير انى اقدر اغيره و يكون احسن عشان تكون حياتنا مع بعض سويه و رفضى لطلبه كان دايما بآيات من القران و كانت دايما حجته احنا كدا كدا هنتجوز و ربنا هيسامحنا و يشهد الله انى مطاوعتوش ، انا مش قادره افهم ان ازاى شخص مش كويس اخلاقا يكون فى الاخر مع حد الناس بتشهد ليه بالاخلاق و السيره الطيبه !


ج/ أنت ملكيش دعوة خالص بحكمة ربنا في أقداره؛ لأن فيه ألف احتمال !

أنت تنشغلي بنفسك وتحمدي ربنا إنه نجاك .. وتتعلمي تعرفي تقيمي الناس كويس ..

مفيش حاجة اسمها متعشمة أغيره !

تغيري العك والقرف ده كله ازاي ؟!

فيه حاجة اسمها كده كده هنتجوز، وكمان يروح يطلب من بنات تانيين وأنت تعرفي وعادي ؟!

هي المقدمات دي كانت تعني حد شاريك .. ولا حد شايفك مجرد سطر في قائمته الرخيصة ؟!

ما تضحكيش على نفسك .. واجهي نفسك بالجرم اللي ارتكبتيه في حقها ..

وتوبي لله وأصلحي حالك معه .. وبس.

التاني بأه يفعل الله فيها ما يشاء .. مش شغلتنا خالص.

.....

س: انا بحمد ربنا ان حاجات كتير فهمتها حتى لو متاخر و انه فى الاخر نجانى ، اخر نقطه هوضحها لحضرتك ان دا شخص من حفظه القران علشان كدا انا كنت متعشمه فيه خير ربنا يبارك لحضرتك لانك ريحتنى كتير بكلامك


ج/ لو أعلم علماء الدنيا طلب من واحدة فيكم حاجة زي دي = يبقى زبالة !

يا رب نتعلم ما نتخدعش، ونفهم، ونهرب بسرعة.