نعي ،،،،،،،،، يخويه الخيل كلش غيرنك | الشاعر ابو اسحاق الفحام
نعي
،،،،،،،،،
يخويه الخيل كلش غيرنك
چنك مو هذاك حسين چنك
تدنيتلك وسمعت ونك
خواتك تره رادن يجنك
ورادن يخويه يودعنك
لچني اعتذر يحسين منك
يخويه ماجبتهن يشوفنك
يا ريحة امهن يشمنك
ويرحن سبايه بعيد عنك
،،،،،،،،،،،،،،،،
يخويه من خيمنه طلعونه
وحرگو خيمنه وسلبونه
ونسمعهم يشتمون ابونه
عگبك يبو اليمه ولونه
من ايتامك اليوگع يجونه
بسياطهم ما يرحمونه
،،،،،،،،،،،،،،،،،،،،،،
عگب المهابه الهاشميه
گامو يسموني السبيه
تمنيت ياخويه المنيه
ولا شوف الحبل مطوي عله اديه
عباس لو تنشد عليه
تراني متت بالغاظريه
،،،،،،،،،،،،،،،،،،،،
الشاعر ابو اسحاق الفحام
