أم البنين ع ___ فدوه اربعتهم | الشاعر ابو اسحاق الفحام
أم البنين ع
___
فدوه اربعتهم
لحجاب اختهم
آنه انذرتهم
لحجاب اختهم
____ فدوه البنين الاربعه لاول حرف من الخدر
ماعندي غير الاربعه ومن زينب شلون اعتذر
يبنيتي ياذيني الهضم لمن يمر طاري اليسر
لو بيدي ويه الاربعه يا زينب انطيچ العمر
من ودعتهم
خيمه ردتهم
آنه انذرتهم
لحجاب اختهم
__
وصيتهم لمن مشو والضعن سار
لكربله
زينب تره رباة الخدر تدرون بيهه
مدلله
سلمت بچفوف الوفه خدر الحرم
والعايله
بدور اربعه ومن حيدره كلهم شهامه
ومرجله
برمشي شلتهم
والهه ذخرتهم
آنه انذرتهم
لحجاب اختهم
_____
كل ما يطر خيط الفجر ارفع چفوف
المندعه
ودعي بمحمد وبعلي وبفاطمه و
بالواقعه
بس لا يمس زينب هضم للخدر فدوه
الاربعه
زينب تكفلهه الگمر هيبة نبوه و
طالعه
بعيني نضرتهم
حيدر شفتهم
آنه انذرتهم
لحجاب اختهم
______
كل أم تطالب بالربه وتعب الليالي
والسهر
والخدراصبح طلبتي وبهاي وصيت
الگمر
چفينه ينطيهن سوه لخته ويقدمله
النظر
عباس يدري وصيتي من ساعة
الصار السفر
من الله طلبتهم
وبيه حلفتهم
آنه انذرتهم
لحجاب اختهم
__
لوبيدي ويصحلي بعد لجل الخدر
انطي اليصح
بس كون سالم طلبتي مية گمر خل ينذبح
ويسلم خدر بت فاطمه بعباس خليني
انجرح
وي راس ابو اليمه ردت راسي يروح
عله الرمح
والفارگتهم
ماناطرتهم
آنه انذرتهم
لحجاب اختهم
____
الشاعر ابو اسحاق الفحام
