يان:الحمدلله ريحتيني الله يريحش اهم شي وريفتي بخير \(^_^)/.
ابوه: اها ماشاءالله باين انك تحبها وانا ابوك وما تقول لي شاسير اخطبها لك.
يان: اح ومسك على قلبه يابه قدني احبها من يوم كانت صغيره بس إن شاءالله تخلص الثنويه وخطبها.
امه:اي والله مع شانحصل احسن منها جمال وادب وذوق وقديه بنت عمك اول لك من الغريب.
يان:فديت كلامك يمه.
". نعرفكم على يان وعائلته."
يان:انسان محترم والكل يعرفه باخلاقه وطيبته ما عنده اغلا من امه وابوه ويحب بنت عمه من زمان وهوه على قد حاله عسكري ومعه راتب شهري.
ابوه وامه:ناس طيبين ويحبو ولدهم الوحيد وم يرفضو له طلب ناس متواضعه ارتقت بسمعتها الحلوه وهم على قد حالهم وبنعمه الله مستورين .
." في بيت ابو تركي."
تركي: انا الان باروح المستشفى وانت ياولين اجلس عند وريف في البيت لا تسير مكان ثاني.
ولين: تمام تمام.
تركي خرج من البيت وراح عند امه واخته ووريف وولين في البيت.
. "في العياده وساعه ٨ بظبط". يكلم موظف الاستقبال خلاص اليوم كفايه شغل قدني تاعب من الصباح اشتغل ويلي قدهم مسجلين خلهم لبكره أن شاءالله.
موظف الاستقبال: تم
وتروح البيت وقده تاعبه من الشغل يله يحصل الغرفه ينام دخل البيت وكا عادته ولا قال وين اهل البيت طلع غرفته ونام.
وريف اوف ياولين ابي ما اجاء ولا سأل على امي ورفيف ما اظن انه معانا اب .
ولين:ما نفعل ابي قده هاذا، شغله فوق الكل وما لنا غير الصبر والله كريم.
يوما جديد على ابطالنا ارمي هموم الامس على رب العباد وارسم البسمه ليوم جديد فربما الفرج قريب."
وعند وريف بتحديد وصوت المنبه ملانت البيت وهيه ولاقامت وولين قد قام من صوته وهيه كانها ميته ما تسمع.
ولين وبضبح: دق الباب بااخر قوته لما قامت وريف مثل المجنونه ما تعرف ايش وقع.
فتحت الباب وريف: ماوقع ماهوه هاذا من راس اصبح تتكلم وعيونها مغمظات.
ولين: نايمه وم تعرفي كم الساعه وصلاه قد راحت عليش والمنبه صوته لااخر البيت هاذا مش نوم طبيعي هاذا نوم حمار .
وريف وبكل عفويه تفحر عيونها: اوف محد يرتاح بهاذا البيت، اوه ذكرت انها اختي في المستشفى ومعي شغل لفوق راسي.
ولين: اول صلاتش قبل كل شي الشغل مش بايهرب.
وريف: تامر ياكبتن بروح اصلي وبعدين ابدي شغلي.
ولين: انا شاسير المدرسه انتبهي على البيت وعلى نفسش.
وريف: تمام ولايهك وانت لو حصلت المزعيع في الطريق كلمتهن اني باغيب اليوم.
ولين: أن شاءالله.
قامت توضت وصلت وقرأت قليل قرآن........ وبديت بشغلها وناسيه ابوها تمام سمعت صوت يوه ياربي انا وحدي في البيت منوه هانا وقليل وتبكي من الخوف ودخلت المطبخ واخذت سكين وطلعت تشوفي من فين الصوت وتمشي باحذر مثل السرق مدري خوفي مدري قلق وتفقدت البيت كله بينها وبين نفسها يوريف خذي حذرش الان باقي غرفت امك يمكن يكون اسارق داخلها وبكل خوف فتحت الباب دلا يارب استرني منوه داخلها اوف. وريف: الحمدلله هاذا انت يابه خوفتني وعيونها ملانات دموع.
ابوها:وش فيكي وليش هاذاالسكين بايدش ولا ناويه تقتليني.
وريف:الله المستعان يابه، انت متى أجيت كنت مفكره انه انا وحدي في البيت وسمعت صوت قلت يمكن سارق واخذت حذري باسكين هاذا .
ابوها: وليش وحدك وفين امك ورفيف وانتي على ما اظن معك مدرسه.
وريف وخرجت انهده من قلبها: امي ورفيف في المستشفى امس كانت مريضه رفيف وامي اتصلت فيك وم رديت وتصله على عمي شلاها المستشفى وطلع فيها الزايده والان قديه الحمدلله ويمكن تخرج اليوم او بكره وامي وصتني في البيت اغيب من المدرسه.
