روايات قناة🇾🇪صنعاء حوت كل فن🇾🇪

2021-04-11 20:25:39 #يتبع_غدا.... باز کردن / نظر دهید

2021-04-11 20:25:28 #البارت 339

اسيل: بس هباله بينحاكيك صدق سير ابسرها قوا

فارس: اكيد شاسير بس قلت اصلي اول

اسيل : ناهي وانت خارج تتوضا ابدي للغرفه اسالها

فارس مسك شعرها وبيشعفلها : ناااهي ناهي ياهرمه تشتي الي في راسشششش نفس الوقت.

اسيل تشتي تلحقه تستقضي هرب وخرج ضحكت عليه وجهزت السجادة

في غرفه امه..

فارس دخل شافها تمت تصلي حب راسها

جميله: خير مافي نفسك تجي تقنعني على اخوك؟

فارس: من منهم؟

جميله: ذلحين عتمثل انك مش داري

فارس: من ؟؟ وماحصل والله مانا فاهم ولادراي شي

جميله جلست تشرح له ايش فعل جمال..

في المكتب بيتكلم معه

ابن عم وليد: انت يتخايلك هذه شهاده صف اول او ايش

وليد: بينقلك امد ياسعم اننا غريب يا اخي امد مانقسم الورث ماشطيرش معك عقود العمل قد ارباحها اكثر من قيمه البصيره و البيت

ابن عمه: ياحبييي .. الشغل شغل ياوليد مابش سفاط لا اخي ولا ابن عمي خليها اهم نصيحة في حياتك

وليد : الله المستعان ذلحين مافعل انا قد حاكيت جمال ووعدته

ابن عمه: اقدر اسلفك من عيني

وليد: ومعك هذا المبلغ

ابن عمه ضحكك بسخريه: عيب عليك يارجال .. سعم شاخليك توقع احسن مني طبعا معي

وليد بضبح وقلق ليش ماداله البصيره: تمام .. ذلحين كيف افعل عشان ارد البصيره الصدق اخاف تقع مشكله

ابن عمه: رد المبلغ الي اقترضته للبنك

وليد: ياسعم يا اخي مش انت داري الوضع كيف انت عارف بينتاجر بكل مامعي المبلغ يعني بينشغل رأس المال نفسه والربح اطلب به كميه اكبر

ابن عمه : ياخي انت اخبر مابش فيني طافه للهدار ابسر ماتفعل وجي للشيكات واصرفها

وليد: حاضر شاجي اليوم اخلص من هرمه واخاف حد يغير له رأيه

ابن عمه : تمام

وليد قفل وقام خرج من المكتب قرر يروح بيت اهل مروى يشوفها ويشوف بنته ويفهم سبب خرجتها ..خرج

السكرتيره وقفت

وليد شاف الساعه: عاد انتي هنا؟

السكرتيره: ايوه معي عمل مراكم حق الي قبلي السكرتير رفس الشغل والأوراق كلها

وليد: طيب بكره تاخر الوقت عليش الساعه 7

السكرتيره: اصلا احب الترتيب في العمل والسرعة قلت ارتب شغلي قبل

وليد: طيب لازم تكلمي بكره امين الصندوق والمحاسبه يصرفوا لش اضافي

السكرتيره : هذا عملي وبارادتي يا استاذ وليد مشتيش ولا فلس زياده

وليد شاف الساعه جلس: طيب خلصتي

السكرتيره بترتب مكتبها بسرعه : تقريبا بس عادي انا شاكمل واخرج

وليد : لا ابدا ماخليش وحدش ومره ثانيه ممنوع تجلسي وحدش مع الحارس

السكرتيره فرحت باهتمامه خلصت اخذت شنطتها وقامت: طيب خلصت

وليد: عيكون إحراج لش اوصلش شاطلب لش تكسي

السكرتيره تشتي تعترض

وليد طنشها وقام سبقها يوقف تكس وحاسبه.

@afeshomody3 باز کردن / نظر دهید

2021-04-11 20:25:00 #البارت 338

جميله بتفكر محد بقي معها عيالها زوجها حتى اهلها والكل حاملين في قلبهم منها الا هذه المره الي بتقوم بكل شي وتتحمل كل شي عشان خاطر جميلة الي تعودت عليها وعملها

ام ندى خرجت بقلصات القهوه وتشتي تدخل المطبخ

جميله شافتها ومشيت لاعندها : سامحيني ياختي غثيتش اخر مره قوي

ام ندى بدات تغسل : مابش شي قدنا متعوده عليش ياجميله

جميله: ماتوقعت تغثي هذا الزعل كله قلت عتفهميني قدش داريه كيف طبعي حتى مع جهالي وبعدين مش هي بنتش انتي الا ربيتيها

ام ندى: ولو يختي انا الي ربيتها قدها بنتي واعظم والله

جميله : اشتي اقلش تسامحيني اذا ابن بطني معاندني وبيفعل الي في راسه وخلاني صغيرة وماسواش حاجه قبال اعمامع واخواله حاكاهم ومصمم

ام ندى: انا مالي دخل بشي أبوها صاحب الكلمه في الاول والاخير

جميله : ماعليا منه والموضوع اشتيش تسامحيني قد انتي رفيقه العمر ماحد وفي ساعش

ام ندى بكيت : وانتي والله رغم لسانش وقساوتش احيان الا ان انتي داريه كيف غاليه عندنا وماننساش فضلش علينا

جميله مسحت دموعها وبهررت بنبره: عيب عتجلسي تذكري الموضوع هذا ميه مره.. هذا حقش واقل شي نفعله يكفي وقفتش معي في كل شي..

بتبسري مابيوقع فيني ولاعد لي احترام ولا كلمه.

ام.ندى:الصدق مابتسمعيش نصيحتي كم مره حاكيتش وقلتلش اسلوبش هذا لازم يتغير حين يكبروا جهالش عتعدميهم

جميله : خلاص سارو كلهم ماعد بش احترام من حد ولا شي ..شاطلع مكاني أصلي وارقد شويه تاعبه راسي عيقرح

ام ندى : حاضر

جميله خرجت وعلى دخله فارس واسيل بيضحكوا وبتكلمه على موقفهن هي وفيروز وبتشرب بقيه العصير الي في يدها بالمصاصه

فارس هزر القلص من يدها : بس تبداع كمل خصمي هذا الصوت

جميله شافتهم وطنشت بتطلع

فارس: مساء الخير يمه مالش

جميلة بتواصل تطلع الدرج ردت بدون ماتلفت: مساء النور

اسيل شافته وبتسال بعيونها وبهمس بتحرك فمها: مالهم؟؟

فارس بفمه اشر: مدري

دخلت غرفتها وقفلت وهم دخلو غرفتهم

اسيل شافت باقي في يده عصير هزرته منه : سع مارجمت حقي

فارس ضحك: بس هواره لو دريت كان وظفتش محل كافتيريهات روحش العصاير

اسيل : نفسي ابسر النونو بس مروى تبسرني هكذا ( بتقلدها وهي معصبه بوجهها )

فارس ضحك: خلاص اجلسي وانا اوقعلش نونو

اسيل : هها زباج.. بتعلق عبايتها ذكرت شكل جميله : بس يافارس

فارس ماسك تلفونه : همم

اسيل : فارسسس

فارس وهو ماسك التلفون : ها

اسيل : يوووه اطرحه ابسرني بينحاكيك

فارس كمل يرسل وغلقه ورجمه فوق السرير وقام لعندها بيسافطها: هااه هاااه سعم انحنا في مدرسه ماهو ماتشتي

اسيل : مالها عمتي شكلها غاثيه.. سير ابسرها

@afeshomody3 باز کردن / نظر دهید

2021-04-11 20:24:41 #البارت 337

ابو ندى: لكن يا ابني مابنلعبش الأصول اصول ولازم امك واخوتك يوافقو ويجو هم بنفسهم يتحاكو

انا شاقبل منك انك جيت لي وحدك لانك صادق وجاد في الموضوع مابتلعبش بس عاد انتو صغار

والزواج مسئولية وعادك تشتي غربه ودراسه خارج.

جمال: قد اتصلت لأعمامي وحاكيت خالي وموافقين مابش عندهم مشكله.. امي شاقنعها ياعم

ابو ندى: كما جت امك معك لنا كلام ثاني

جمال سكت شويه بيفكر: طيب تمام

مشي دخل لعند امه.

في المكتب وليد وصل ضابح من مرته سارح بيفكر كيف من وقت ماتزوجها وهي بنفس الطبع ولاتغيرت ولا بتحترمه

قاطع تفكيره ودق الباب..

السكرتيره دخلت بصحن فيه كيك وشاهي حليب : استاذ وليد هذا قسمك كان اليوم عيدميلادي فعلين لي البنات مفاجأه

وليد ابتسم لها: تسلمي شكرا تعتبي نفسش وكل سنه وانتي طيبه

السكرتيره طرحت الصحن والشاهي بسرعه: اووه العفو منك اصلا حرقت .

وليد وقف يشتي ياخذه منها بس قد طرحته: ويدش حرقت قوي؟

السكرتيره: لا لا ماتقلق مابش شي متعوده

وليد ضحك: متعوده تحرقي؟

السكرتيره: يووه مع بس بتوقع احيان كودنا في المطبخ

وليد ضحك: الله يعينكن تسلمي كثير

السكرتيره على خرجتها شافته استحت وقفلت الباب بعدها

وليد بيتقهوى وياكل الكيك شاف اسلوبها نبره صوتها هادئه وتجمل منها عشان ذكرته

اتصل لمروى

مروى كنسلت في وجهه التلفون ورسلت له: لاتتصل بنتك ماكرهن رقدت وامك ادت اهلك كلهم لوسط غرفتي انا تعبت الصدق وسرت بيتنا اهلي جو شلوني

وليد استغرب ! رسل لها: ليش ماكلمتيني؟

مروى: رضيت ولا مارضيت شاسير يعني شاسير محد معي انت مشغول وامك بتحرق دمي ومرت اخوك بتتحكم ببنتي وتتفيضل تسير تديها من نفسها

وليد بيقرا ضابح منها سمع الباب قفل التلفون مارد

السكرتيره : ابن عمك بيتصل وسماعه المكتب مرفوعه يشتي يكلمك ضروري

وليد بضبح : وهذا ماله بيفعل حركات يتصل للموبايل يشتي الاحقه انا واتصل له انا

السكرتيره تغيرت ملامحها : العفو منك مش عارفه قلتله انك في المكتب تحب اقله شي ثاني!

وليد حس انه تنرفز عليها رجع سكت شويه: العفو منش بس كنت ضابح وصادف دخلتي تقليلي على هذا السامج

السكرتيره: ايش افعل ذلحين

وليد: ولاشي خلاص سيري عملش شاتصل به الان

السكرتيره: تمام.

في البيت جميلة معصبه منرفزه من حركه مروى كيف خرجت من البيت قدام الناس وسارت بيت اهلها

جمال بيداعيها لخارج

جميله: وانت مالك ماتشتي

جمال: ماشجلسش اراعي لهم كلهم يتمو مشاكلهم وتفضي لي.. اشتي تخطبيلي اليوم ذلحين

جميله: طز احرقو كلكم في ستين داهيه اخطب و تزوج وافعلو ماشتيتو حرقتو دمي وضاع عمري فيكم على الفاضي.

جمال : تمام

@afeshomody3 باز کردن / نظر دهید

2021-04-11 20:24:20 #البارت 336

مروى: اخرج وبس من هنا تعبتني ساعه اتحاكى ولا بتفهم..

وليد شافها بنظره قام حنق شاف ادواته واوراقه الس يحتاجها شلها وفلت الغرفه وخرج..

بنتها رجعت تبكي

مروى بتتأفف : جحفه من قلي اوحم واخلف على حلا ابوش وجدتش وبيتكم كله يفف اشتي اسير بيت اهلي

وليد ضبح منها قام لف ادوات واوراق يحتاجها وخرج من الغرفه. .

في غرفتها

جميله فتحت البا فجأه بدون ماتدق : اين عتسيري واحنا هكذا

اسيل بضبح :خوفتوني فتحتو الباب هكذا

جميله: ليش تفتجعي او قبالش شبح

اسيل كملت تلف الطرحه فوقها سحبت شنطتها : فارس عارف اين شاسير..خرجت

بعد العصر وصلين من اهل فارس وجميله يزوروا مروى..

في الحوش

ام مروى لزوجها : راعي انت هنا اطلع اديها واجي

جميله : هيا جين نسير الديوان امد ماترقد بنتها وتجي

دخلتهن الديوان وراحت تدي قهوه شافت ام مروى : لليوم وانتي حانقه بنتش

ام مروى: راعينا منكم اتصال اعتذار كان عزومه اجي اوبه لبنتي مابش فايده شاشلها عندي

جميله : اين تشليها اول حفيد لنا ونشتيها عندنا

مروى لابسه البالطو وماسكه بنتها بتمشي دلا ناولت امها بنتها: الشنطه داخل اسحبوها يمه وانا شانزل

جميله : هكذا يامرور تفعلي ؟ ساع السرق ساكته سكتخ وقدش مجهزه تسيري حاكيتي زوجش

مروى مستقويه بامها : ليش عاد شاستاذنه اسير بيتنا ! اسيل سقطت وجلس فارس فوق راسها وكل الي في البيت مانا والده محد عبرني.. بتنزل على مهلها..

جميله سبقتها ونزلت تتصل لوليد.

في الشركه..

ابن عم وليد اتصل لصاحبه: اجلس ماطله يوم يومين قد لقيت الورق الي اشتيهن شابسر مافيهن واقرر وانبيك ماتفعل..

وليد دخل لاعنده: هيا كيف عتحاكي لنا الرجال هذا بيتملعن

ابن عمه قفل التلفون وكانه مش فاهم شي: من هو ؟

وليد رن تلفونه رد وسمع امه رجع قفل وكمل يكلمه : راعي مش وقت اسير ابسر الجنان الي في البيت وارجع. .

بعد صلاه المغرب..

جمال جالس مع ابو ندى في الحوش : ياعم انا عارف ايش الي يسبر وكيف واحد لازم يفتح هذا الموضوع ويجي باهله بس انت قدك من البيت واحسبك ساع ابي واخي فارس مش انت غريب داري المشاكل وشغلتهم ويعلم الله ايحين يفضو واحاكيهم كل يوم معهم هدار..

ابو ندى : خير؟

جمال: بعد الي حصل والموضوع عندك كله انا اشتي اخطب بنتك ونسافر ندرس دبر لي اخي وليد الزلط كلها حق خطبه وعرس ودراسه لي ولها

ابو ندى استغرب سكت شويه: وامك ماقالت؟

جمال: ماعلينا من النسوان ياعم انا الرجال وداري ما اشتي

ابو ندى: لكن يا ابني مابنلعبش الأصول اصول ولازم امك واخوتك يوافقو ويجو هم بنفسهم يتحاكو

@afeshomody3 باز کردن / نظر دهید

2021-04-11 20:23:50 #البارت 335

وليد: من عيني والله انك جيت في وقتك محتاج ياخي زلط خيرات ويوسف بساعته يعتطف في الجيب شاقدر عليه

جمال: اشتي الي تكفيني خطبه وزواجه واسافر

وليد : وسياره ومصاريف ماعد تشتي شاديلك نص سهمك وطرحه هانك في البنك

جمال: تمام لاني اشتي اقريها ع حسابي

وليد: سدو يتخايلك شاقفز ساع امك وفارس ماشي كل واحد حر انا مجرب التحكام هذه السنوات الي سارت كلها

جمال فرح ومنتظر يوقع له الشيك : ي اخي لو تسحبها لي احسن ماعيصدقوش واحد بعمري معه هذه الفلوس كلها

وليد : مارايك خليها معي واسحب بقدرك

جمال : تمام الليل شاديلك نابي

وليد : يلا اتم شويه عمل. وارجع البيت لاتفتح موضوع قبال احد

جمال : وانت لاتحاكيش حد مشتيش حد يعرف شي

وليد : تمام

جمال : خاطرك اسير الاحق بعد شهادتي

في البيت..

جميله بتساعد مروى توقف والنونو بتبكي

مروى ضبحت : اسكه حاكوها تجي تشل البنت شويه امد مابدل وتوضعو لي بقعه سوا

جميله بتداعي اسيل..

اسيل سمعت كانهم بيداعوها خافت لو حصل شي :بتداعوني؟ بتسمع النونو بتبكي

جميله : مابتفعلي

اسيل: جالسه اجابر صحبتي

جميله: اسكه قوا امسكي البنت شويه

مروى: اشتي اتحرك شويه وبتجي لي دوخه امي يمسكوني وانتي امسكيها لو سمحتي

اسيل عقدت حواجبها : انا بصراحه مليت من التناقضات هذه ، صح جاهلة ومالها ذنب لكن ماعد شادخل ولا اتعامل معش ..
عفوا ياعمه اشتي اخرج مع صحبتي نتغدا اتفقنا اخنا وصحباتنا...

شافت مروى :برأيي دوري لش حد يجي ينتبه لش لو ماتقدريش وحدش... وخرجت غرفتها

مروى: هيا ابسرتو كيف بتمثل الطيبه كذب بتسمع البنت هكذا..

جميله قاطعتها: اص مش وقت وانتي راعي سكتي بنتش اول وبعدا افعلي مشتيتي.. وخرجت تشوف اسيل

مروى ضبحت حضنت بنتها وهي بتبكي اتصلت لأمها : حرام عليكم تحنقوا اهل زوجي وانا ماذنبي انا وبنتي تاعبه يمه قوا جو لي تعبت وحدي

بعد ساعه..

وصل وليد فااارح ببنته الي خرجت اشترا لعب وبطانيه وملابس ودخل الغرفه

مروى: ماهو هذا كله؟

وليد طرحهن وحضن بنته

مروى: بعدا كيف توصل من خارج هكذا وتحضنها وتمسك وجهها بيدك

وليد مش سامعها فارح وبيبوس بنته اول مره يحضنها

مروى عصبت ورفعت صوتها: لي 3 ساعات وانا الوي بها تعبتني وانا مريضه ومحد عندي وعاد الدعممه لك ابسر كيف نكزتها والله لافلتها لك واسير بيت اهلي تعبت.

وليد انصدددم شافها : ايششش! مادخل بيت اهلش؟ عتحنقي ليش احضن بنتي.. رجع ابتسم: او قد بتغيري منها

مروى بقزازه: اغير منها هنيت لك وين انت ووين انا بينقلك تاعبه مابتفهم ولاتحس على نفسك.

وليد : مالش ذلحين ماتشتي مش انا داري

مروى زادت تتنرفز.

اكمل؟

@afeshomody3 باز کردن / نظر دهید

2021-04-11 20:23:24 #البارت 334


جميله : براحتش احنا مابش عندنا هذا الخبر عنفعل ولاد ولو ماطلعتيش عنطلع النسوان لمكانش...

فلتتها ودخلت غرفتها وقفلت

مروى ضبحت جالسه تبكي اتصلت لامها : جو شلوني من عندهم هيا هه ساع ما هذك يراشوها ويدوها وتفلت وتمشي ويرجعو يدوها ويداروها مداراه وانا ساع الدمه عندهم وبيزيدو بها..

امها: جهزي لداتش يلا بكره الصبح انا وابوش عنجي نشلش.

في المستشفى

اسيل بتتفرج النونو ومبتسمه قوووي بتتأمل حركه يد البنت وكيف بتفتح عيونها دلا دلا

الممرضه: حظ مريضتكم انها كانت مدخله التاسع والبنت صحتها كويسه تقدرو تشلوها

اسيل فرحت : صدق ذلحين؟

اللممرضه : ايوه بس نشتي اول شي توقيعات وبطاقه الأب او الأم واوراقها

اسيل اتصلت لوليد

وليد: انا مشغول جدا يا اسيل شرسلش الان مع السواق كل شي وانتي خرجيها شافعل ورقه واوقع وابصم ببطاقتش رسلي رقمها وشليها عند امها الوضع معي عمي وعمتي متوتر وانا مشغول سامحينا عنشغلش شويه

اسيل : لا ابدا فارحه قوووي بس اسرع ذلحين رسل

غلقت واتصلت تكلم فارس وهي فارحه..

بعد ساعتين وصلت البيت نزلت وهي حاضنه النونو دلا

دخلت ومابش حد بتطلع دلا على مهلها

ام ندى واقفه باب المطبخ شافتها ودعت لها داخل نفسها : يارب انا رضيت اني مابينخلف ورزقتني ندى لك الحمد والشكر بس يارب ارزقها وسخرلها على قد نيتها الطيبه هذه.. ورجعت المطبخ

فوق جنب غرفتها

جميله سمعت دقدقه الباب فكرت ام مروى فتحت وخرجت شافت البنت في يدها : خرجوها؟

مروى ادخلي

اسيل فتحت ودخلت ببنتها

جميله واقفه وراها : اسكه اديها ابسرها ماشاءالله تبارك الله

مروى: من هذه؟

اسيل: بنتش كنت في المستشفى عندها قالو خلاص تخرج صحتها الحمدلله

مروى صيحت: وليش تتفيضلي من راسش وليش ماتتصلي بي او بزوجي مادخلش حتى في بنتي عتتدخلي ، لو يوقع بها شي والله ماتشوفي خير لاتندمي

جميله: اصاااه خلاص بهذله اول واخر من ولدت بدل ماتقلي لها كثر خيرش واسلمي وتشلي بنتش ماهو هذه الطبيعه والاخلاق

مروى بتحاول تقوم وتاعبه

جميلة جت طرحتها في حضنها : هاه شليها

مروى شافتها: ومادراني لو هي بنتي او ماشي اذا انا امها وماعرفت تشتو اقتنع انها عتعرف

اسيل فلتت وخرجت غرفتها مستغربه على تفكير مروى واسلوبها معها

في غرفتها..

ندى بتكلمه: والله ان ابي رد اداتهم لاعند امك

جمال: خلاص وانا وعد اكلم عمي بنفسي

ندى: لا مش ذلحين راعي شويه

جمال: اراعي ل ايش.. سكت شويه

ندى معي خطه انتي داريه ماشفعل اعرفي الليل هذا اخلي ابوش يوووووافق واخطبش غصب عنهم كلهم

بعد ساعه عند وليد

جمال: هيا موافق اتنازل لك بالتصرف بورثي

@afeshomody3 باز کردن / نظر دهید

2021-01-25 22:58:11 تعليق الكاتبه مناره اليمن على تعليقاتكم....



السلام عليكم ورحمه الله وبركاته، أولا
ثانياً شكراً لكل من علق وأبدى رأيه وشكر جزيل لكل شخص لديه احسسااس مرهف، ورواياتي لا تروق الا لمن لدية ذووووق رفييع وجميل...
وشكراً لكل من قال، ان رواياتي م ينفعين الا مسلسلات..

ولكل شخص رد،يمثل أصله، وحسن تعامله وكلامه ورقي أسلوبه


دمتم بود...
الگاتبة منارة اليمن باز کردن / نظر دهید

2021-01-23 12:42:34 ​​#الجزاء_الثاني
اتحداك تكتم نفسك عن الضحك


​​كلنا اكيد نعرف تطبيق التيك توك
بس بعض الناس استخدمو التطبيق بخيلعه ومياعه
لوما قد الواحد قسم بالله يشتي يدخلهم من الشاشه يفطرهم فطر. والان ظهر في التيك توك اخضع فيلم يمني وواحده عدنيه جديده.واشخاص خيررررات

بس لاتقلقوا
قد الاخ طلال بيجلدهم جلد ويغضي قلوبكم.
في. الجزاء الثاني من اقوا مجموعه فيديوهات ماعد تقدرش تسكتك من قوه الضحك

شاهد بنفسك الجزاء الثاني على اليوتيوب ⇓






اذا ضحكت امانه سوي اشتراك وادعمنا بلايك
#تحياتي باز کردن / نظر دهید