تراث المنبر اقريناه .... وجوب علينه ماننساه ___ تراث المنبر ال | الشاعر احمد عباس الحساني

تراث المنبر اقريناه .... وجوب علينه ماننساه
___
تراث المنبر الخالد اله اقرينه
وغصبا عن مشاعرنه يبجينه
بيه حمزة الزغير يجذب ونينه
يذكر شاب عايف امه الحنينة

يمه ذكريني .... من تمر زفه شباب
من العرس محروم ... وحنتي دم المصاب
شمعة شبابي من يطفوهه
حنتي دمي والجفن ذاري التراب
___
ونذكر قائم العترة فداه اهلي
قصيدة السيلت دمعة وبقت تهلي
سويه المستهل نقرالة ونعلي
قصيدة اللي نظمها حيدر الحلي

الله ياحامي الشريعة ....الله
اتقر وهي كذا مروعة.... الله
__
مقدس هالتراث وللطم دستور
الحداثة استلهمت منه عذوبة وطور
ومن رواد شعره كاظم المنظور
نردد هالقصيدة ويالمحب ماجور

عالمشرعة العباس... صاب السهم عينه
آحا ياسهم العين .... وانكسر ظهر احسين
واحنه انكطع بينه
____
ونذكرها القصيدة التصدع الخاطر
عن طفلة عليلة والابو مسافر
من شعر الرصين لشاعرة جابر
مطلعها كبل ومتروح وتهاجر

كبل متروح وتهاجر يطير الصاف تانيني
اخذني وياك لاحبابي على الجنحان حليني
وادود وين ...... ابويه احسين
_
وزرينب آه يزينب محنتج محنة
نشرح يامصاب ونبتدي منه
خلي نستمع وشكال المحنة
من فكدت اهلها وخابت الضنه

عتابي يخوتي ويامن عتابي
اذا جان الزمن رايد عذابي
شهر حزني وجرحني بطلعة اهلاله
_
ابو ريحانة الحساني
محرم الحرام ١٤٤٣ هج ٢٠٢٢ م