2022-06-17 00:59:01
Stop ثانيه
لا هو انتم فاكرين ان انتم هتتجازوا على مذاكرتكم بس؟؟؟
اه اوك المذاكرة ليها عامل بعد توفيق ربنا طبعا اول حاجة و اه المذاكرة انت بتسعى بيها عشان حلمك تمام بس فى عوامل تانيه بتساعد على فكرة.
الاذان الى اول ما اذن جريت عشان تتوضأ و تصلى.
ورد القرآن الى لسه بتحافظ عليه حتى لو قل بس لسه محافظ عليه.
صاحبك الى سبت الى فى ايدك و روحت شرحتله الى مش فاهمه.
الشخص الغلبان الى فى الشارع الى اعطيته حاجة سواء فلوس، مياه او حتى طبطبت عليه.
اهلك الى احتاجوك فى حاجة سبت مذاكرتك و قمت ساعدتهم .
الاذى الى على الطريق سواء ( قشرة موز مثلا، حجر ...الخ)، الى شلتها.
عياطك الى مش بتخلى حد يشوفه.
نشرك لبوست تشجيعى فا هونت على قلوب الناس.
كل ده يا جماعة عوامل مساعدة ليك، لا عمرك كنت هتلاقى الشخص الغلبان ولا قشرة الموز الى على الارض ولا ان انت تساعد اهلك و لا ان صحبك اصلا ميكنش فاهم حاجة فا يجيلك عشان تساعدة وسط صحابك كلهم بس هو جالك انت، كل ده مكنش هيحصل إلا بأمر ربنا.
و تخيل اما ربنا يحطك فى مواقف تخيلك تعمل خير ، و احنا اكتر ناس محتاجة تعمل خير
فا عشان كده بطل شغل الصياح و انا مش بذاكر من اول السنه و انا مش عارف ايه، افتكر دايما طالما انت مش فى اللجنة يبقى لسه فى وقت......
300 viewsAhmed, 21:59