#قصائد_محرم #الرادود_احمد_الزوار (لحن نزله اهوازيه) وي ونــــــي تون النوك من ابجــــي وتهل العــين من اسمع حجي الشمات هاي اخت الكمر وحسين *** وي ونـــــــي تون النوك لو هلت دمـــــــع عيني حكَهن شافن العـــــبرات وايونن علــــــى اونيني آنه الفاكَــــــــــده العباس وآنه الفاكَــــده احسيني وانوبه انسبي ياحــــيف فوك امصابي عالسبعين *** مجتوفه ورجبـــت النوك مسبيه ورحــــــت كَـوه روحي تســـــــتعر بالنار وكلبي ابجمــرته اتجوه عكب الخيمه والصيوان وراعي الرايــه والخوه وعكب الي يشيل الراس الراح وطاحــن الجفين *** عكب اهلي وهذيج الناس تعبانـــه وذهـيلت راي ماوجد عميـــــت اشلون من هظمي وكثر بلواي كمت اكـــــره لذيذ الزاد وماريدن شـراب الماي لوعوني اليســــــر ويلاه وما ادري الدرب لاوين **** محنيه الظهـــــر ظليت وعيني امن الدمع حمره امشي ابدرب اليكرهون والحاقد علــــى الزهره وامتوني تصـــب ادموم فوك الشــــتم والسطره مانام الجفن ســـــــهران ليلي اكظيه نعي واونين *** نفرشهه العبي اعله الكاع لوردنه واجـــينه انبات نلتم وحـــده عالوحــــــده واتفكَـــــــــد العلــويات آنه احرس واغطيــــــعن وآنه افتـــــــر عالبنيات ياوسفه الدهـــــــــــر فرنه وراوانه السبي والبين *** من كثر الألـــــم ظليت امشــــــــي وآنه محنيه تتباجه وتحن نســــوان ليلـــــى وسكنه وارقيه ايجرون الحبل وانطيح علويه اعلــــــــه علويه ايضربونه الكفر بسياط مطلوبين جنــــه ابدين ابو علي الركابي 1_رابط قناة الرادود احمد الزوار على اليوتيوب https://youtube.com/channel/UCEa2AIfPlXlAHgT7b8hxpvA 2_رابط قناة قصائد على لحن باسم على اليوتيوب https://youtube.com/channel/UCz03jT4unuka51X7foOyXcg 3_رابط قناة التلجرام https://t.me/ahmed_alziwar 2.3K viewsedited 11:53
