مسلم سفير حسين لوحده يدير العين | الرادود احمد الزوار

مسلم سفير حسين
لوحده يدير العين
صار إبأسر هل يوم
ويلي عله المظلوم
‏
هذه مسلم لوتشوفه بل حبال مگيدينه
وحده ظل إبلامناصر بل حجر صابو جبينه
حاوطت بيه العساكر عن يساره وعن يمينه
حقدت الكوفه إعل مسلم طوعه بس هيه التعينه


ثبت أصول الدين يعلن ولاء حسين حاطت عليه الگوم ويلي عله المظلوم
،،،،،،،،،،،،،،،،،

صلت الكوفه بأسرها رادت المسلم تطيعه
بليله يتغير أمرها خالفت حكم الشريعه
لاموالي ولامناصر غدرت إبمسلم يشيعه
بل قصر ينزف جراحه صابته سيوف الفجيعه


ينزف دمه منل إيد من شدت التگييد
آخ إشكثر مالوم ويلي عله المظلوم
،،،،،،،،،،،،،،،،،

صدر الظالم قراره تنفذ بحكم الإشاره
إخذو مسلم وبجراحه يصعد القصر الإماره
واحد إيجر من يمينه واحد إيجر من يساره
گطعو الراس إبحقدهم عل قصر دمه إيتجاره


ذبحو سفير حسين وين أهله راحو وين
ننصب عزه بهل يوم ويلي عله المظلوم
،،،،،،،،،،،،،،،،،،

‏صارت الكوفه بعزاها تلعن إبحكم الأماره
‏شيدت مسلم ضريحه ورتفع سور المناره
‏غاصت الكوفه بقصرهم وعلن الباري إنهياره
‏وإحنه مسلم من نزوره نشعر إبطعم الزياره


‏نزوره إبگلب ملهوف نبچي بدمع مذروف
‏نلبس سواد إهدوم ويلي عله المظلوم
‏
‏ ( كلمات احمد الفتلاوي )
‏
‏
‏
‏