قصيده للعليله من رد ضعنكم خالي والصدمه موت الغالي ماطولت . | الرادود احمد الزوار

قصيده للعليله



من رد ضعنكم خالي
والصدمه موت الغالي
ماطولت ..بسرعه متت
____
چنت فرحانه واتاني جية اهلنه
بالدرب گالو اجو اهل المحنه
والدي جايبلي صوغه چنت اضنه
تالي بس دم منحره جابولي منه

گمت اسأل اعله حسيني
شو محد تحاچيني
شگد اسألت .. بسرعه متت
____
دخلن الدار وردت اعرف الصاير
ابلا علم الطم گمت ويه الحراير
عمه زينب شكو گالتلي العساكر
طحنو اعظام ابو اليمه بالحوافر

صدمتني من گلتلي
انذبحو اگبالي اهلي
من ارجفت .. بسرعه متت
____
اوجوهن عماتي متغيره شفتهن
بالاسامي احچي گمت يلا اعرفتهن
غالي غالي يطيح ياخذ عافيتهن
اشما احضن عماتي فزن من متنهن

شلون وبقن ماادري
حچي اسمعت شگ صدري
كافي صحت .. بسرعه متت
______
عمه وين العشتي بوجوده اميره
تگلي هاي الطيحه يبنيتي الچبيره
عالنهر طاح وعليّ وجها يديره
ويه الهوه گتله تره باچر اسيره

بعينه سهم من جاسه
طالع خلف من راسه
شفته وطحت .. بسرعه متت
_____
والدچ من طاح رحت اني احضره
شفت يمه الشمر وبصدره يدفره
يضحك وجر سيفه وبنحره يطبره
من گطع راسه عليه ضل يشمره

صاحو وله ترحمونه
بكل كربله تطشرونه
الطم گمت ..بسرعه متت
_____
شهگه اخيره البيها ملك الموت اجاني
صفنتي تحاچيني ما يرجع حناني
خذت ابويه بيك شلي يا زماني
الما خذاني الكربله شفته خذاني

شفته وشبگته بدمعه
فز چي كسور بضلعه
و ويا رحت .. بسرعه متت



الشاعر غضنفر الزيداوي

الرادود احمد الزوار اضغط على الرابط

https://t.me/+QYhwKvqAiD7e_b1P