قصيده ثقيله للإمام علي عليه السلام =========== الله وياك يبويه الله وياك ............. شلون انساك يبويه الله وياك ............. بويه صعبه فرگتك * شلون انسه عشرتك * الله وياك يبويه الله وياك ............ صحت يادفان ابونه تاني ساعه ..... ماشبعنه من ابونه ومن وداعه ..... شلون انسه العاشرت حلوه طباعه ...... اه ياحرگت گليبي وياضياعه ...... جمرته شيطفيها * نار تسعر بيها * الله وياك يبويه الله وياك ............ مودع الله ياولينه وبلسلامه.......... امست بنوح وحزن هاي اليتامه ....... ياجمرتك خلت بگلبي علامه ....... وضلت ابنيتك تون ون الحمامه ........ بنيتك تنوح وتون * عذب گليبي الحزن * الله وياك يبويه الله وياك ............ الفرگه تكتل ياعلي وصعبه علينه ....... البيت ظلمه ومحزن خلافك ولينه ....... نگطع الضنه يبويه لو تجينه ........ علمنيه يلمشيتو وشبدينه ......... بعد شيعودك الي * من يگلي ادللي * الله وياك يبويه الله وياك ............. شفت تابوتك سرى وعليك فريت ..... علنعش ذبيت روحي وحيل ونيت ..... صحت رايح وين عني شمعة البيت ...... وعلى راسي من التراب بحرگه هليت ..... طفت شمعت بيتي* دنيتي شخليتي * الله وياك يبويه الله وياك ............ صعب يفراگ الولي والله كتلنه ...... وانه ضليت بحزن ونه على ونه ...... ليش يادنيه بغدر ضيعتي اهلنه ..... تطشرو اهل الفخر واهل المحنه ..... يادلالي وضيعته * بوي صعبه فرگته * الله وياك يبويه الله وياك ............ =========== خادمة ال البيت الحجيه ام علي البصره نسألكم الدعاء الحجيه ام علي البصره بخدمة خدام الحسين عليه السلام لانجيز حذف اسم الحجيه ام علي من قصائدها او ينسب الكلمات لنفسه غير مبرء للذمه امام الله والزهراء ع رابط قناة اليوتيوب اضغط على رابط القناة ليأتيكم كل جديد https://youtube.com/channel/UCyZjN67zSy_dOdrSH6y84Iw *** رابط قناة التلجرام اضغط على رابط القناة يأتيك كل جديد https://t.me/ahzan2018 1.2K views10:28
