قصيده للإمام علي عليه السلام تقرأ بعدة اطوار ========= يشيال النعش خليني اودعنه لو راح الولي مابعد اشوفنه ========= يشيال النعش ريض بلجنازه من طبع الحنين يودع اعزازه اريد اگله بتك ليك معتازه بعدني بعوز والي ومشبعت منه يشيال النعش . خليني اودعنه ابوي الدللاني ورفجته حلوه مرهم چان لجروحي والي سلوه ياريت العمر يندار اله فدوه ينزف جرح راسه ارد اشدنه يشيال النعش . خليني اودعنه تانيني على بختك بلنعش تاني تره يوم الولي علهامه طگاني سيف الصاب راسه براسي صاباني ادگن علولي والصدر اخسفنه بشيال النعش . خليني اودعنه يشيال النعش ارجاك تانيني خل احاچي الوالي ويحاچيني ابوي ادريه حنين ومايخليني محتامه بعدني ورد اشوفنه يشيال النعش . خليني اودعنه يدفان الصميده بلنعش تاني تره فراگ الحنين امغير الواني بلكي يفكلي عينه لو سمع وني هم اترد الي لو نگطع الضنه يشيال النعش خليني اودعنه ========= خادمة ال البيت الحجيه ام علي البصره الحجيه ام علي البصره بخدمة خدام الحسين عليه السلام لانجيز حذف اسم الحجيه ام علي من قصائدها او ينسب الكلمات لنفسه غير مبرء للذمه امام الله والزهراء ع رابط قناة اليوتيوب اضغط على رابط القناة ليأتيكم كل جديد https://youtube.com/channel/UCyZjN67zSy_dOdrSH6y84Iw *** رابط قناة التلجرام اضغط على رابط القناة يأتيك كل جديد https://t.me/ahzan2018 1.1K views12:50
