نوحيه ل الأمام علي عليه السلام ========== البيت وحشه علبنات وعل الولد بويه حاچيني علي شو ماترد ========= بويه حاچيني بعد بيتي وهلي الليله نايم بلگبر وسفه الولي خلاف عينك بلعمر بويه شلي لو تجيني الگاع ازرعها ورد بويه حاچيني علي شو ماترد البيت خالي من عگب ذيچ الزلم فرگتك صعبه يبويه ياشهم ظلمه بيتك بس حياطين وألم المات ماضنه على بيته يرد بويه حاچيني علي شو ماترد بويه من يوم الرحت زادت جروح بيتنه خلافك تره مابيه روح اروح فدوه الهامته العطره يفوح رد علينه تره عذبنه البعد بويه حاچيني علي شو ماترد الليله وحشه وليلي زيدلي الهموم وطير فرگاكم على بابي يحوم گوم يابو الحسن من النوم گوم دنينتي بويه عگب عينك برد بويه حاچيني علي شو ماترد الليله وينك ياعلي بيامگبره ياهو يمشيله بعذابي ايخبره يگله زينب ياعلي ابحيره تره بويه بغيابك تره گلبي نمرد بويه حاچيني علي شو ماترد ========== خادمة ال البيت الحجيه ام علي البصره نسألكم الدعاء الحجيه ام علي البصره بخدمة خدام الحسين عليه السلام لانجيز حذف اسم الحجيه ام علي من قصائدها او ينسب الكلمات لنفسه غير مبرء للذمه امام الله والزهراء ع رابط قناة اليوتيوب اضغط على رابط القناة ليأتيكم كل جديد https://youtube.com/channel/UCyZjN67zSy_dOdrSH6y84Iw *** رابط قناة التلجرام اضغط على رابط القناة يأتيك كل جديد https://t.me/ahzan2018 703 views14:31
