قصيده للوحشه ل امير المؤمنين علي عليه السلام تقرأ بعدة اطوار =========== الليله وحشه بيت امير المؤمنين الليله وينك ياعلي يابو الحسين =========== الليل وحشه من عگب عينك صفه ليله ظلمه النور من عدها طفه من بعد عينك على الدنيا العفا عفت محرابك يوالدنه حزين الليله وحشه بيت امير المؤمنين الليله اول ليله ليكم بلگبر گمت اصلي الوحشه ودموعي تجر انته لينه السند يابويه وذخر شلون لو مرت على حالي السنين الليله وحشه بيت امير المؤمنين البيت وحشه من عگب عين الامير وتدري ليل الفرگه يابويه خطير النوم من عيني يوالدنه يطير من اشوف البيت خالي من الحنين الليله وحشه بيت امير المؤمنين اليوم وحشه يبو زينب ماترد بويه محتاجه الدفو جانه البرد گلبي بغيابك يبو حسين انمرد تره بغيابك شلع گلبي الونين الليله وحشه بيت امير المؤمنين البيت وحشه بويه بس بيه الصدى محزن المحراب لغيابك غده ليش ما تدري الجره علينه وسده تره غيابك عذبانه يلحنين الله وحشه بيت امير المؤمنين البيت وحشه وظلمه ويبچيني وداعتك ماغمضت ياعيني فرگتك صعبه على تدريني عفت بيتك ليش بس بيه الانين الليله وحشه بيت امير المؤمنين دارنه انته الي چنت تضويها هسه ظلمه وكل ضوه مابيها خلصت العشره ومشه راعيها يمه يازهره علينه ماتجين الليله وحشه بيت امير المؤمنين =========== خادمة ال البيت وخادمتكم الحجيه ام علي البصره نسألكم الدعاء الحجيه ام علي البصره بخدمة خدام الحسين عليه السلام لانجيز حذف اسم الحجيه ام علي من قصائدها او ينسب الكلمات لنفسه غير مبرء للذمه امام الله والزهراء ع رابط قناة اليوتيوب اضغط على رابط القناة ليأتيكم كل جديد https://youtube.com/channel/UCyZjN67zSy_dOdrSH6y84Iw *** رابط قناة التلجرام اضغط على رابط القناة يأتيك كل جديد https://t.me/ahzan2018 585 views14:54
