قصيده ثقيله للقبور المهدمه بالبقيع ======= احضر يا بن حامي الجار گبور اجدادك كوم احجار بسيفك اظهر يالموعود يا ريت اتعمرها اردود گبور اجدادك كوم احجار ======= احضر يالوالي وعمرها لگبور وسويها اصروح متانين الفزعه احنه وياكم يمته تشافيهن لجروح موكب مشايه وللحضره يامولانه نريد انروح يمته تعمر هالبنيان من ابعيد الحضره اتبان گبور اجدادك كوم احجار لو شفت الغرقد اتألم وشهگ شهگه لحد الموت لگبور اتون ويه اونيني صرخ ويلي بعالي الصوت الحراس ابنضره يكفروني ما يرضون شلون انفوت ماخلو حتى العنوان اكسرها اخشوم العدوان گبور اجدادك كوم احجار يمته تعمرها اشتاگينه ما نحمل مولاي افراگ يمته نرد انطوف الحضره شيعتكم ليكم تشتاگ مانگدر والفرگه تعذّب لفراگ ايعذب العشاگ والموعد يالوالي حان مشايه ومن كل امچان گبور اجدادك كوم احجار طال الموعد ياوالينه يمته وياك انروح انزور مطلوبين بگد الفرگه چايمته نوفي النذور ونطوف الحضره احنه وياكم وبدمعتنه انضل اندور ويطيب الگلب الوجعان ونطوف اگبور الوليان گبور اجدادك كوم احجار متانينك ما تظهر لينه يمته تهل بالحق يهلال ماتخفه عليكم حالتنه اضهر وتشوف انته الحال دنيانه عوجه وماترحم يالبيك انته تعدل المال وبجيتك يبن العدنان يرتاح الگلب التعبان گبور اجدادك كوم احجار ======= خادمة ال البيت الحجيه ام علي البصره الحجيه ام علي البصره بخدمة خدام الحسين عليه السلام لانجيز حذف اسم الحجيه ام علي من قصائدها او ينسب الكلمات لنفسه غير مبرء للذمه امام الله والزهراء ع رابط قناة اليوتيوب اضغط على رابط القناة ليأتيكم كل جديد https://youtube.com/channel/UCyZjN67zSy_dOdrSH6y84Iw *** رابط قناة التلجرام اضغط على رابط القناة يأتيك كل جديد https://t.me/ahzan2018 633 views17:13
