قصيده للقبور المهدمه بلبقيع تقرأ فزاعيه برباط الهوسه وتقرأ گعده بقفل الگعده ========= مگبرت البقيع تهدم الحيل بيها ام البنين اتصيح ياويل ========= شفت گبوركم خنگتني العبره تذكرت الظلع والچبد والطبره وحسين وخواته وذبحته ونحره لچم جرح البگلبي والدمع سيل والينه ... ما ننسه مصابك من شفت الگبور وصبت عيوني اريد الطم عليهم مايخلوني عدوان وعلى الدمعه يكفروني چندوب ونضل بينه العدو يعيل وهد حيلي ... ياگبر الساده گبرك يلحسن صخرات وترابه اتمنى ازوره اقبّل اعتابه احا ياچبدة المسمومه ومصابه من اذكرها انوح انهاري والليل ومهدمينه ... گبر المظلوم شفت ام البنين تراب مرقدها صحت وينك يبو صالح تعمرها ونيت وبچيت اذكرت ونتها يوم الغربو منها المداليل ونعازيها ... علضحه چفوفه عمت عيني على اليمه ومصيبتهم مظلومين ومهدمين مرقدهم ما تظهر يبو صالح تعمرهم من تضهر الدنيه بعد متميل ونهض لينه ... يابو الثارات گبور اهل الكرم صخرات وتراب ماتظهر يبو صالح للاحباب تحمي گبورهم من ايد الاجناب وتعليها ... راية عباس ========= الى شرف النبي واله الطاهرين والى صاحب الغيبه الحجه عجل الله فرجه الشريف بنية تعجيل الفرج خادمتكم الحجيه ام علي البصره الحجيه ام علي البصره بخدمة خدام الحسين عليه السلام لانجيز حذف اسم الحجيه ام علي من قصائدها او ينسب الكلمات لنفسه غير مبرء للذمه امام الله والزهراء ع رابط قناة اليوتيوب اضغط على رابط القناة ليأتيكم كل جديد https://youtube.com/channel/UCyZjN67zSy_dOdrSH6y84Iw *** رابط قناة التلجرام اضغط على رابط القناة يأتيك كل جديد https://t.me/ahzan2018 374 viewsedited 17:13
