موشح للقبور المهدمه بلبقيع ======= سيدي متانين رفت رايتك ونبني اگبور الايمه بطلعتك وابقيعاه...... وابقيعاه...... ======= سيدي گبور الاهل هدموها بياذنب ويه الارض ساووها دموع شيعتكم تهل خلوها اضهرنه ياإمامي امروتك وابقيعاه...... وابقيعاه...... &&&&&& سيدي اگبور الايمه مهدمه والگلوب من الحزن متألمه گوم دلينه اعلى قبر العالمه امك الزهره الزچيه نادتك وابقيعاه...... وابقيعاه...... &&&&&& هاي غرقدكم تون شوفوها عجب ليش بلا قبب عفتوها بلا مناير يلولي خلوها بلدموع ام البنين اتعاتبك وابقيعاه...... وابقيعاه...... &&&&&& اضن تدري سيدي بخبارها گوم شيل من البقيع اسوارها خل تجي بزود وفخر زوارها تزحف ازحوف وتجيلك شيعتك وابقيعاه...... وابقيعاه...... &&&&&& نريد وياكم بعد نبنيها والمناره بلسما أنعليها مثل يومچ كربلا نسويها ويه ونتنه تسابگ ونتك وابقيعاه...... وابقيعاه...... ======= خادمة ال البيت الحجيه ام علي البصره الحجيه ام علي البصره بخدمة خدام الحسين عليه السلام لانجيز حذف اسم الحجيه ام علي من قصائدها او ينسب الكلمات لنفسه غير مبرء للذمه امام الله والزهراء ع رابط قناة اليوتيوب اضغط على رابط القناة ليأتيكم كل جديد https://youtube.com/channel/UCyZjN67zSy_dOdrSH6y84Iw *** رابط قناة التلجرام اضغط على رابط القناة يأتيك كل جديد https://t.me/ahzan2018 544 views17:13
