نخوه للعباس عليه السلام تقرأ بطور الثقيله =========== يابا ال | قناة الحجية أم علي البصرة🏴أحزان وافراح العترة الطاهرة
نخوه للعباس عليه السلام تقرأ بطور الثقيله ===========
يابا الفضل جيت انخاك
متعني ورد احجي وياك
الشده الك احجيها بجاه العقيله اكضيها
جيت ولزمت الشباك متعني ورد احجي وياك
============
ياسيدي بكلبي جرح بس الله يدري شكبره
جيتك من ابعيد اشتكي ومنك اريد الجبره
مكسور كلبي سيدي وكلش جبيره الكسره
بشده طحت ياسيدي ضاكت عليه دنيتي
بجاه الحسين اترجاك متعني ورد احجي وياك
جيتك دمعتي علوجن والكلب مليان هموم
جار الوكت ياسيدي وجرح البكلبي ملجوم
الشده العلي يابو الفضل بس انته الها الجيدوم
كلبي خلص يامولاي ونتم اماني ورجواي
تلكاني روحي بيمناك متعني ورد احجي وياك
جيت اذب روحي بحضرتك ورتاح من هم دنياي
وحجيلك الصار وجره وادريك تسمع مولاي
عذبني مولاي الوكت مذهول تيهت الراي
وتعذبت من هلوكت بشباجك انه جلبت
يلماأمل من طرواك متعني ورد احجي وياك
حاربني مولانه الزمن خاين زماني ودهري
وجرح الكلب مايندمل حسباتي كسرن ضهري
حتى الصبر مني جزع وشل وخلص صبري
خلصني من هم البين والدمع وشل بلعين
بجاه الجفوف وعيناك متعني ورد احجي وياك
متعني اريدن طلبتي ويمك اريد احجيها
ادريها صعبه حاجتي ونته الذي تكضيها
منك وتكضي سيدي حاجاتنه ندريها
والصعب يسهل معلوم يم الكفيل الجيدوم
حاشه بو فاضل ينساك متعني ورد احجي وياك
=========== خادمة ال البيت الحجيه ام علي البصره نسألكم الدعاء
قناة الحجيه ام علي البصره احزان العترة الطاهرة قناة خادمة ال البيت الحجيه ام علي البصره لانجيز حذف اسم الحجيه ام علي من قصائدها غير مبرء للذمه https://t.me/ahzan2018
الحجيه ام علي البصره بخدمة خدام الحسين عليه السلام لانجيز حذف اسم الحجيه ام علي من قصائدها او ينسب الكلمات لنفسه غير مبرء للذمه امام الله والزهراء ع
رابط قناة اليوتيوب اضغط على رابط القناة ليأتيكم كل جديد https://youtube.com/channel/UCyZjN67zSy_dOdrSH6y84Iw
***
رابط قناة التلجرام اضغط على رابط القناة يأتيك كل جديد https://t.me/ahzan2018
