لطميه لسان حال رقيه وبنات الحسين عليهم السلام تقرأ بطور المربعه والشده والفزاعيه ========== عندي عتاب وي عمي العباس خلانه يساره بيد الارجاس ========= عدنه اعتاب وي اهل الحميه عتاب من الشريفه ومن رقيه وسكنه وفاطمه وخوله وصفيه لبونه حسين ولعمنه العباس خلانه يساره بيد الارجاس نريد انعاتب البيهم محنه عافونه بهظم ويه اليضدنه بين الكوفه والشام امتحنه وصيحن الحك اختك يبو النوماس خلانه يساره بيد الارجاس من غصبن تراني عاتبتكم من هجمو عليه حشمتكم ماواحد نهض لمدللتكم مو انته الكلت خدرج مينجاس خلانه يساره بيد الارجاس تراني اعتب وغصبن عليه عذبني مرار الغاضريه تالي اخذوني ياعمي سبيه يكافل للأسر دكت الاجراس خلانه يساره بيد الارجاس من ظيم العليه اعتب تراني زماني ضيعاك وضيعاني تراهو سهم البعينك عماني الف ياحيف علمشرعه الفراس وخلانه يساره بيد الارجاس نريد انعاتب العباس عمنه مو هوه الي دك صدره وكفلنه ادري مكطعه يسراه ويمنه ياوسفه البطل غدروه هلناس وخلانه يساره بيد الارجاس =========== خادمة ال البيت وخادمتكم الحجيه ام علي البصره نسألكم الدعاء الحجيه ام علي البصره بخدمة خدام الحسين عليه السلام لانجيز حذف اسم الحجيه ام علي من قصائدها او ينسب الكلمات لنفسه غير مبرء للذمه امام الله والزهراء ع رابط قناة اليوتيوب اضغط على رابط القناة ليأتيكم كل جديد https://youtube.com/channel/UCyZjN67zSy_dOdrSH6y84Iw *** رابط قناة التلجرام اضغط على رابط القناة يأتيك كل جديد https://t.me/ahzan2018 352 views21:14
