اياد السماوي

2022-09-23 20:04:12 مصطفى ..
أنا ما راح اتعيقل براسك وأبين نفسي على أساس انا فطحل بالاقتصاد ، ولا راح اسألك مثل ما سألتك هيام الخُزاعي زوجة أخوي نبيل جاسم ، بس أريد اسألك تگدر تگلي شگد نسبة النمو بكل قطاع من القطاعات الاقتصادية ؟ يعني تگدر تگولنا شگد حققت نمو بقطاع الصناعة أو قطاع الزراعة أو قطاع النقل أو قطاع السياحة ؟ هم راح أرجع وأگول طاحظك مشرق على هذه الكلمة السخيفة .. باز کردن / نظر دهید

2022-09-23 15:15:43 بشرفك مصطفى صدگ تحجي ؟؟
أجمل نكتة سمعتها بحياتي ، مصطفى الكاظمي يگول ( سأضحي بكل شيء من أجل العراقيين وإعادة البلاد إلى وضعها الطبيعي ) ..
لا بشرفك مصطفى صدگ تحجي لو جاي تسوي شو ؟ عبالك جاي تقدّم حلقة من برنامجك في قناة العراقية ( مشّكل شو ) ؟ ولك شنو سأضحي ؟ يعني بيمن تضحي مثلا ؟ بكتلتك السياسية الكبرى في مجلس النواب ؟ أو مثلا أنت مرشّح الكتلة الأكبر وتريد تضحي بهذا الترشيح ؟ لو تضحي بمليارات الدولارات الي سرقتها أنت وعصابتك وراح ترجعوها للخزينة ؟ أريد افتهم عندك استحقاق وراح تتنازل عنه وتضحي بيه ؟ .. طاحظك مشرق شلون تعوفه يمسلت وحده .. باز کردن / نظر دهید

2022-09-23 13:32:04 أحد الأحبة كتب لي معلّقا على مقالنا لهذا اليوم ( الأبناء يشاركون آبائهم الوزراء في الفساد ونهب المال العام ) .. ألف الصلاة والسلام على أبناء وزيري النفط والزراعة من أبن وزير الدفاع جمعة عناد .. وأنا أقول لهذا الصديق العزيز ، ما جمعة عناد وأبنه إلا نموذجا واحدا من نماذج الفساد ، وكل ما يقال ويشاع عن فساد أقارب المسؤولين والوزراء في العراق يتحمله بالدرجة الأولى السلطات الرقابية والقضائية ، فمن أمن العقوبة أساء الأدب ، والمسؤول في العراق قد أمن العقاب وأوغل في الفساد .. باز کردن / نظر دهید

2022-09-22 22:30:44 عاجل وصلني للتو ..

مكتب الكاظمي يوجه كتابا سريا للدوائر التابعة له يتحدث فيه عن فوضى قادمة وتضمن عدة تعليمات:

نقل الوثائق المهمة والسرية بالتنسيق مع سكرتارية مكتب رئيس مجلس الوزراء أو أخافائها في مواقع محصنة وسرية .

إخفاء العلامات أو اللافتات التي تشير إلى عنوان مكتب رئيس مجلس الوزراء أو توابعه .

غلق الابواب بإحكام وإطفاء الأجهزة الكهربائية .



إستخدام القاصات المحكمة وحفظ الوثائق أو المواد المهمة .

محاولة ارتداء الملابس غير الرسمية وإخفاء الباجات والهويات التعريفية وإستخدام أسلوب التخفي

الإسراع باخلاء مكانات الخطر أو مغادرة المنطقة الخضراء بأسرع وقت ممكـن بـعلـم المسؤول المباشر ومن ثم المسؤول الأعلى .

المحافظة على الامن الشخصي وإتباع قواعده في أوقات الإضطرابات .

التنسيق مع قيادة الفرقة الخاصة لتوفير الحماية اللازمة في الحالات العاجلة .

الاتصال بقيادة الفرقة الخاصة أو بقسم التصاريح الامنية والمعلومات لمعرفة أبواب المنطقة الخضراء المفتوحة والطرق الأمنة .

المحافظة على البريد الالكتروني وتحصينه بالتسيق مع قسم تقنية المعلومات .

إخلاء العجلات إلى مواقع آمنة .

يمنع التصوير في مواقع المكتـب أو تصـوير الأحداث أو النشر على مواقع التواصـل اجتماعي باز کردن / نظر دهید

2022-09-22 10:39:36 أكو خبر أن القضاء العراقي قد أصدر أمر قبض بحق وزير الزراعة وأبنه .. خوفي لا يكون عدهم اعترافات على حاج فلان وحاج علّان .. هسه وزير الاتصلات خل يعترف يا ريت موضوعه ما يعنينا ، أحنا وزراة الزراعة هاي حصتنا ، وخوفي لا نطلع احنا ناهبين الدنيا ، ولو المؤشرات توحي بهذا الشكل .. باز کردن / نظر دهید

2022-09-22 00:25:54 * عندما يقف الرئيس الفرنسي منتظرا الرئيس الأيراني ستعرف من هم أولي بأس والي قوة. نعم إنه زمن الاقتدار الشيعي سبحان الله الذي اذل الجبابرة واذل المتغطرسين * باز کردن / نظر دهید

2022-09-21 23:46:09 مصادر رزينة للسماوي ..
وزيران من وزراء المبخوت في طريقهم إلى السجن ، أحدهم مخترع لقب ( المبخوت ) سيذهب مع أبنه .. باز کردن / نظر دهید

2022-09-21 19:20:14 إلى رجال القضاء العراقي الموّقر ..
إلى قلعة الدفاع عن العراق ومصالح شعبه وماله العام ، أناشدكم أيها الرجال الرجال بأسم العراق وشعبه وتاريخه ، بعد قرار المحكمة الاتحادية العليا هذا اليوم الذي ألغى قرار تأسيس شركة النفط الوطنية وما سيترتب على هذا القرار من آثار وتبعات قانونية وغرامات تصل الى مليارات الدولارات ، بإصدار أمر القبض بحق رئيس الوزراء العراقي مصطفى الكاظمي بتهمة التبديد المتعمّد للمال العام ، وتسببه عمدا بضياع عشرات المليارات من أموال الشعب العراقي ، حين رجوعه فورا من الولايات المتحدة الأمريكية .. باز کردن / نظر دهید

2022-09-21 18:02:09 وينك يا سيد مقتدى ؟؟؟
حجالك الوزير صالح محمد العراقي لو لا عن قرار المحكمة الاتحادية الخاص بإلغاء شركة النفط الوطنية الي صدر اليوم ؟ تدري يا سيد مقتدى بموجب هذا القرار شگد راح يدفع العراق من غرامات إلى الشركات الأجنبية وغير الأجنبية ؟ زين هاي مليارات الدولارات فلوس الغرامات منو راح يدفعها ؟ سيد مقتدى مصطفى الكاظمي أنت جبته وفرضته علينا ولا زلت حتى هاي اللحظة تريد تجددله مرة ثانية ، والله يا سيد مقتدى أنا كعراقي ما راح اسامحك ابدا ، وراح أوگف وياك بالوزرة البيضة أمام الله . باز کردن / نظر دهید

2022-09-21 17:14:04 الله لا يوفقكم يا مجرمين ..
يا جماعة الخير أنا دايخ ومسطور من صدر اليوم قرار المحكمة الاتحادية العليا الخاص بإلغاء تأسيس شركة النفط الوطنية وحتى هاي اللحظة ، أريد أعرف شنو مصير العقود الي أبرمتها شركة النفط الوطنية برئاسة حاج احسان أفندي مع الشركات الأجنبية وغير الأجنبية ؟ خصوصا مثل ما يگول مكسور الرگبة النائب باسم خشّان كل هذه العقود فاسدة وبعشرات المليارات من الدولارات ؟ زين هاي الخسائر بالمليارات منو راح يتحملها الشبرم مصطفى الكاظمي لو الشبرم احسان أفندي؟ والله هذولة لو تحكمهم كل واحد ستة أشهر شنق بساحة التحرير هم ما راح تبرد گلوب العراقيين بيهم .. باز کردن / نظر دهید