والله مااطخ هالراس انه اخت العباس يايزيد اسمع كلامي وحفضه ز | قصائد حسينيه للشاعر ابو اسد البزوني

والله مااطخ هالراس
انه اخت العباس

يايزيد اسمع كلامي وحفضه زين
اوخله ترجيه اباذانك هالكلام
اكلب الدنيه اعلى راسك لوحجيت
ولو افزع ينمحي اليتسمى شام
انه زينب يعني لبوه وبت اسود
انت واسيادك الي اطخولي هام
خاف عبالك شفت مجتوفه ادين
اتعور ومجتوفه من تمشي السهام

راح افزع الكافل يعدله حجي المايل
يعدله حجي المايل راح افزع الكافل
~~~~
كوم لم ربعك وحول يم ابوي
خاف هاي الفرصه ما تلگاها
امس حشمته اخيي وكتله ماي
الجربه تنگط دم الي جاباها
هم حجولك عن بطل بي ريشه فوگ
اجه ويه اخته كفيل اوياها
هذا المزين الشوارب ابن ابوه
يعني عباس المبچي اعداها
والله لو حشمته يكوم يفزع لخته
يكوم يفزع لخته والله لو حشمته المايل
يخاف ما قاري عدل وادي الطفوف
انه اسولفلك الصاير بيها
زلمك العدهم شوارب يم اخوي
اتشيلو ولبسو حتى اعبيها
كبال الحسين الي يوكف ابن ابوه
سطرته اتشور مثل راعيها
لهسه صوره بكل كلب زارعها خوف
من حمل عالگوم اخيي اعليها

عطوه ما انطاهم من امس طباهم
من امس طباهم عطوه ما اطاهم يعدله حهذا كله بكفه عندي وكفه هاي
يكتب التاريخ راح افعالها
انه اخوتي ازلام عدله وكلها زود
وبالحرايب من تموت ارجالها
وعنكم التاريخ يكتب شنهي راح
ولو مايذكر ادريبه انذالها
بصمه ضلت للزمن ولد الرسول
وسمعه ولد العاص اصلاً مالها

انه ابوي الكرار جدي طه المختار
جدي طه المختار انه ابوي الكراري المايل
خلصو دور العليهم دوري حان
من بعد عباس شلت الرايه
همه طفهم خلص وفتحولي باب
حان دورج گلي اخوي ابهايه
خاف عبالك ادينه امكبلات
باوع الروحك منو السبايه
الثوره مرات ابفكر مو اله سيف
انصيب احنه وتخطي الرمايه

خل اشد عصابتي تجرح ادري حجايتي
تجرح ادري حجايتي خل اشد عصابتي كافل يعدرايح بديوانكم يخضعلي جيل
وراح اگلبه المجلسك باجر گلاب
باچر اتبين الضلمه امن النهار
وراح يتوضح الغير امن الصواب
هسا كلها الكم وكرسيكم جبير
بل معسكر باچر ايصير انقلاب
تهيأ لموتك يزيد وعد قبور
بركبتك باجر يضل دم الشباب

يوم تسبل ايدك ياهو بالله يفيدك
ياهو بالله يفيدك يوم تسبل ايدك

الشاعر ابو اسد البزوني