يامايلات النوك يابوها... ميلن خيمجن لايحركوها... عمتنه زينب موش كواكه يم خيمة العباس تلكوها... حايره بهالهيمه بالطفوف وضيمه اختنكت ابحرك الخيم وتنفست ...بل رايه شارده وماشارده وعل ترايب جاعده عثرت ابعون وبجت والكابلوها ....اهوايا مايله ويولوها.. يبعدوها ..من العباس حيل ماضل بيها ...وتاذيها.. اعيون الناس تلطم اعله عيونها.. يشوفونها ...كبال الراس (( يامايله يم عون يازينب )) *** يالراكضات ارقيه مابيها حيل وتكابل رؤس اهاليها مخنوكه بالشوغات مخنوكه... وتلولحت بالشوج رجليها طفله ويضربونها وبالعصى ايكودونها طاحت وشاغت دمع ياحسرت المكروده طايحه وماطايحه وللنوايب رايحه تاهت من العايله بذيج الليالي السوده تايهه بنص ديره ..وزغيره.. اعلى اللجمات احتارت ابواليها... او واليها... صاحو مات ياهضم بلواها... ومبجاها... اعلى الخيمات *** يالرايحات احسينجن وينه بطلن دمعجن لايفك عينه راسه اعلى رمح وبيد جتاله وفز النحر من عثرت سكينه عينه مامفتوحه وسهام اتلوحه يسحك ابصدره الشمر وبلايه رحمه يديره عالترب والينه ويامصاب البينه حرمه تعثر بالصحاري والصحاري اجبيره عايله وتعبانه ... وعطشانه ... ومامش ماي بالضهر يسروها ... وخلوها ... بدون افياي نصيح يا حادينه... مر بينه...اعلا الوفاي *** السيد احمد الاعرجي 1.4K views خادم القمر, edited 06:25
