راح احجي قصتي والجرى من يا مصاب اتذكره كضيته عمري ميسره ومابطلت من نوحي...ياروحي معلعله ومابياش اون من الدمع شاغ الجفن الطم علا اجروح المتن واتشلشط من اجروحي ...ياروحي مسبيه زينب ياخلك مسبيه وبرض الغرب تتفرفح العلويه ((حاطوني... ولاكوني.... وانا حرمه اجبيره)) ((اذوني... وشتموني .... يم جفيل الغيره)) يازينب يازينب مات راعي الغيره ..... ---------------------------------------------------- بحرك الخيم شاط الكلب وركضت اعدل المنكلب ياخويه شفتك عل ترب وتعاين اعلا اخيامك...والامك اركض فشل اوكف فشل وبديره ماعدهم خجل وتنخه بجفوف الكفل هلبت يعين اجدامك ...والامك هلبت يكوم ويشبك المشتاكه واليحدي بينه يهد رباط الناكه ((لاصايره ... ولادايره ...بت علي يولوها)) ((اليسروها ....وذوها ....جانو يهابوها)) ---------------------------------------------------- فوك الهزل ماضل عمر وداني للشام اليسر يتمضحك الحادي ويطر كلبي بسبب ضحكاته ... وجلماته طبينه قصر البي عده وبالطبه احس موتي بده عفت الضعون امدده يابن علي ونضراته ... خزراته عفت الضعينه وجينه للشام ياحسرتي وحركوها الاخيام ((طبينه ... وونينه .... عالضعنه ويامه)) ((اشتاكينه ...وحنينه ...للكفل وزلامه))) ---------------------------------------------------- مرت سنه وبعده السبي وبعده الدمه ابطرف العبي ماتت غريبه بت نبي والغربه اليشيعوها... مو اخوها جنت ابخيامي امدلله مهيوبا بين العايله كتلتني لوعت كربلاه من خيمتي الداسوها ...وحركوها ماتت غريبه ومامش اخوان رادت اخوها يصير دفان ((حملوني... ودفنوني... الغربه موش اخواني )) ((ياويلي... ياحيلي... الفرهدو عدواني )) --------------------------------------------------- السيد احمد الاعرجي 619 views خادم القمر, 09:27
