فائزي لمولاي مسلم عليه السلام وين أهل الجفافي الخضر وأهل ال | الشاعر عباس الفرطوسي الكربلائي
فائزي لمولاي مسلم عليه السلام
وين أهل الجفافي الخضر وأهل الحميه
مسلم الليله أمن القصر جثته رميه
بهاي العقيده نواسي حميده
.................
ياساده شدوها الحزم شعلو الكلب نار
بالكوفه عمكم وحده وبلايه انصار
ولحيدر يدير الوجه ياعم يكرار
ياعمي كوم الغدرتك دارت عليه
................
ياساده عمكم وحده بذيج الميادين
مشمور من فوك السطح مرسال الحسين
عطشان هم مثل الولي مكطوع الوتين
هم انذبح من الكفه نفس المنيه
..................
هنا يهل الجفافي الخضر دكوها الصدور
وكون الدمع من الكلب مثل الدمه يفور
عمكم وكع من القصر ياساده مغدور
مغدور ياشيعه انجتل هاي المسيه
..............
ياسيد الطم عالوجه والدمع زيده
واسي حميده بلوعتك وهاي العقيده
اول يتيمه بكربله صارت حميده
وباجر وراها شكد هضم بالغاضريه
..................
باجر حميده بكربله تشبع مصايب
وتركض وتوكع ياخلك فوك الترايب
وعكب الدلال العاشته تبات بخرايب
وياوسفه تصعد عالهزل وتصبح سبيه
...............
باجر تفوت اعله القصر ويه السبايا
وتنطك وتختل يالخلك بسد العبايا
وتتعذب وتشبع هضم بهاي الرزايا
ياساده واسوها بلطم ودمعه جريه
عباس الفرطوسي الكربلائي
