لاموني تبجي اهواي گالو صاير ما درو بيه اشصار يوم العاشر حگة ي | الشاعر عباس الفرطوسي الكربلائي
لاموني تبجي اهواي گالو صاير
ما درو بيه اشصار يوم العاشر
حگة يحجي المالة عمات انسبن
ايلوم بيه المالة بالغربة ضعن
___________________
حگهم من يلوموني محد دخل سوگ الشام
ومحد شاهد النسوان شلون بنص خرابة تنام
انه المطگوگة اله نسوان ومذبوحة عشيرة ازلام
جا هو المضيع حسين لمن يبجي هم ينلام؟
لو شايفين الضعن ينگط دمة
وكل اليطگوها تصيح عمة
جان عرفو ليش سلتني المحن
ايلوم بية المالة بالغربة ضعن
_________________
حكي ابجي لحد ما اموت وإذا ما اموت أضل هايم
غير بعيني شفت حسين عاري اعله الوجه نايم
غير اكبال عيني بنار احترك بيرغ بني هاشم
اهو لو شاف شنهو الصار جا ما لامني اللايم
ما شاف ابوي شلون جسمه توذر
ما سمع صوت اضلوعه من تتكسر
كون من البجي اعيونه ينعمن
يلوم بيه الماله بالغربه ضعن
________________
انه العاشر الحالين حال العزة والذلة
من جان الحسين بخير الخدر ما بان اثر ضلة
بس من طاحو اهل البيت بانت بالضعن خلة
وشافت عمتي الوادم وتعز اعلة الشرف واهلة
گلب الغيور يفور لمن يسمع
شلون اذا گدامة خدره اليطلع
وبالسياط اگبال عينه اتروعن
ايلوم بيه المالة بالغربة ضعن
_________________
اليلوم بدمعي ما ملجوم والطف ما اجه اباله
جا كابلني يبجي وياي لو جاس الضمه أطفاله
حكه يلومني الما شاف خواته تنطك اكباله
يعز اعله الغيور يشوف بالبر هايمه اعياله
ياهو الذي حاله يشابه حالي
انه الذي طكو خواتي اكبالي
والسياط بضهر عمتي اتكطعن
يلوم بيه الماله بالغربه ضعن
.............
شما اتجلد او اصبر اذكر طبت الديوان
وياخذني الجزع للشام وآيا طبت النسوان
الزلم تعرف اشجاي احجي ادنگ واني عالي الشان
يهون اعلة الخلگ كلها بس عالسادة ابد ما هان
طبينا واتضاحكو واحنه بشدة
ويزيد طگ عمتي وياهو يردة
وگلبي بالديوان والشام انطعن
ايلوم بيه المالة بالغربة ضعن
..............
عكب ذاك الدلال الراح عبيد اتشمتت بينه
ياوسفه اعله كل السان غدت تنكال اسامينه
واحد يردم الثاني عله الديوان طبينه
يزيد اعله العرش كاعد واحنه مجتفه ايدينه
كاعد يزيد يصيح وين الحره
شوفي الحسين شلون اضرب ثغره
ومن طك ابوي الحرم حيل اتلوعن
يلوم بيه الماله بالغربه ضعن
الشاعر حسين حيدر الموسوي
الشاعر عباس الفرطوسي الكربلائي
