شحجيلك كسرني البر!!! وبديه كمت اغطي ارسومي عن الحر. ومن كد ال | الشاعر عباس الفرطوسي الكربلائي
شحجيلك كسرني البر!!!
وبديه كمت اغطي ارسومي عن الحر.
ومن كد السموم
ولهب ذيج النار حته الصوت جان اسمر!!!!
ندهتك!!!!!! شو اجتني الخيل
ومن هدت عله الخيل بكلشي كبالي كمت اعثر
بالخطوات كمت اعثر
من ايشتموني كمت اعثر
من ايصيحولي وين اخوانج اتعثر
وبركضي اعثر بجثة علي الأكبر!!!!!!
مو هاي................ الكضتني حالة الخدر
من يسألون
عمه الماي حيل بعيد؟
كل مره الكمر موهيج يتأخر؟
شتعذر!!!!!!!
وانت اكبالهم منحر!!...
تذكر من كلتلك هم يمرني الخوف؟
وكلت زينب جفاج الشر !
دكوم وياي؟؟؟
واروايك الخيام واحجي المدثر
واكلك شوف (هذا الشر)
فوك اخيامنه مكور
وبديت اسأل !!!!
ليش الشمر يلوي ذراعي كل حيله
لون عندك بديت اسأل
ليش الليل من جانو اخواني وياي جان أسهل
ليش عيوني اسدهن كوه عن لا أشوف
أطفالي عله شربه ماي تتوسل
وافكن عيني والكاهم مدلل شابك مدلل
كلت يمكن لكيت الحل!!!!!
ومن هفتت الخيمه والمرادم قل
سحلت أجدامي كوه وغربت للتل
وبديت اذبل!
وفهه لوني عليك و جسمي كله انسل
ومن كد ما خويت وباد حيلي هناك
حته الحبل ذاك الربط جفي انفل
وعبات اختك الجانت اسود من الليل
صارت بيضه كد ما بالترب تسحل
وكمت عن لا تصدلي الناس بسد الخيل اتختل
المهم بل الف يالله وصلت التل
وصلت التل وحاجيتك
وصحتلك من بعيد شلون عافيتك
صح بعيني شفت الخيل
تسحل بالتراب اذيال خاجيتك..
لجن لسا متانيتك!!!
عباس الفرطوسي الكربلائي
