فزاعيه للامام العباس ع حيهم صاح اطلعن يالنساوين ........ | الشاعر عباس الفرطوسي الكربلائي

فزاعيه للامام العباس ع






حيهم صاح اطلعن يالنساوين
..............
ركض ويصيح اطلعن يالعزيزات
دنكن روسجن يالهاشميات
الواعدجن بماي اعله النهر مات
وراسه بالعمود انجسم نصين
................
صاح الله ولحد تارس الكاع
اخوي الجان منه تخاف السباع
وذر صاير اخوي وعالنهر ضاع
الماخذ روح اخوه هسا خذه البين
..............
اباب الخيمه صاح احزامجن راح
وركض لخيامه طيح خيمته وطاح
وطلعنه بلا وعي بس ركض وصياح
وكلنه نصيح راح حزام الحسين
...................
كعد ويصيح زينب شفت عباس
بنصهم طايح وملتمه الارجاس
يخويه اكبال عيني خسفو الراس
شفته وطحت ما شالني رجلين
.................
وصلته وطحت يمه وكمت وانوب
لكيته اعله الوجه ياخويه مكلوب
كلبته وشفت ثلث اسهام مصيوب
بكلبه وجبهته ياخويه والعين
...............
ميت شفته لاجن انه بلا راي
وكتله بروح زينب كوم وياي
اعيالي بعازتك ما رادو الماي
يحيون اعله صوتك لون ميتين
...........
بس انهض وياي وعيلتي تهون
من شوفة اعيونك همه يروون
اذا شافوك يمهم ما يعطشون
ميهمهم عطش لو عطشو سنين
.............
كتله ارحم بكلبي اعليك مشلوع
وكتله اطيني جفك شفته مكطوع
شبكته وكمت احس مكسره ضلوع
بصدره وبالخيول اعليه ماشين
....................



عباس الفرطوسي الكربلائي