لو ولادك زعلوكي.. متسيبيش الأمور تمط منهم.. وتخليهم محتاسين مش | تربيه جيل الأمه

لو ولادك زعلوكي..
متسيبيش الأمور تمط منهم..
وتخليهم محتاسين مش عارفين يراضوكي إزاي !

علميهم إزاي يصالحوكي بخطوات واضحة..

قولي لهم اللي بتحبيه من كلمات وأفعال..

وعرفيهم ده لسهولة مراضاتك بعدها..

بدل ما تلاقيهم حيرانين.. بعد غضبك..

ومشيوا وتجنبوكي..

وراحوا يلعبوا ونسيوا اللي حصل أساسا..

ونسيوا زعلك..

الطفل بينسى فعلا.. وبيروح يندمج في حاجة تانية بعيدا عن الموقف اللي سبب له ارتباك في شعوره..
مش بيبقى قاصد يتجاهلك..

أعينيهم على برّك يا غالية


مثال للتوضيح بناءاً على طلب الغاليات :

نيجي في وقت الرضا العادي خالص ونقول له :

لو حصل وزعلتني متفضلش واقف كده متعملش حاجة عشان أصالحك..
ومتروحش تلعب وتسيبني كتير..

لكن هقولك تصالحني إزاي:

1.أنا بحب رسمة جميلة مثلا فيها قلب

2.أنا بحب تروح تقرأ قرآن وتيجي بعدها تبوسني وتنفخ في إيدك وتمسح راسي..

3.أنا بحب إنك تجيب لي كوب مية عشان أهدى وتيجي تبوس إيدي وتحضني وتقول سامحيني..

4.أنا بحب تسيبني أهدى شوية وبعدين تيجي تقول لي نشيد بحب أسمعه منك. يكون حاجة عن الأم تحفظيها له..
وهكذا

#معلمةصفاء
#ركن_صافي
ممنوع إزالة اسم المعلمة