قناة الشاعر أبو فاطمة الأحسائي

2022-08-26 23:54:12 ذكرى استشهاد رقية

رجعت ظعينة بو علي لرض المدينه
وجات العليله فاطمه ولهى وحزينه
وبدمعت العين * تسأل عن حسين
……*****……
بالمدينه .. صيحه صارت من وصل ظعن الميامين
والمدامع .. تجري مثل الغيث لكن حمره بالعين
والصوايح .. كلْها صارت بالمدينه آه يحسين
وبالنياحه .. ارتفع صوت البچي من أمّ لبنين

ذيچ الظعينه من لفت لديار طيبه
ناعيها عزّى المصطفى وبنته النجيبه
وجات المعزّين * تسأل عن حسين
……*****……
بالفجيعه .. وصلت العيله البيوت وصار لصياح
اوسفه سمعت .. فاطمه صوت البواچي وذاك لنياح
وجات تركض .. والقناع امن الركض فوق الأرض طاح
شنهو صاير .. تسأل ابدهشه عليمن هذا لصياح

ناداها بو محمد علي السجاد يختي
ذبحوا أبونه وباليتم محزونه صرتي
وهذي المحبين * تسأل عن حسين
……*****……
ابلوعه تبچي .. فاطمه صارت ولا تهيّد من النوح
تدعي ربها .. ليت ميته وما سمعت احسين مذبوح
يا خواتي .. أسمع تقولون بويه ابدمّه مطروح
وآنه بعده .. للمنيّه ابخدّي دمعي يبقه مسفوح

أقسم على ربي يعجّل في وفاتي
قشره تراها اتصير من بعده حياتي
وماجوره كل عين * تسأل عن حسين
……*****……
يالغوالي .. قلتوا لي ذبحوا ابكربله اهلي الشياهين
بس سؤالي .. عن رقيه ما شفتها اويا النساوين
ماتت اختي .. وبفقدها اويا ابويه ابقلبي نارين
قالوا الها .. ماتت الطفله على راس الولي حسين

ناحت على فقد الأبو أختچ رقيّه
وسفه وعلى راسه اجرعت كاس المنيّه
من شافت البين * تسأل عن حسين
……*****……
يالحزينه .. من بعد ذبح الولي كم شفنه آلام
بالخرايب .. صرنه يا بنت النبي بس نصحه ونّام
وچم لقينه .. ذلّه يا مهجت علي بالكوفه والشام
وشافت اختچ .. والدچ جاها يضمها ابطيف لاحلام

قعدت من النوم وتقول احسين وينه
عمّه اجاني وضمّني واسمع ونينه
وبمدمع العين * تسأل عن حسين
……*****……
يالعليله .. لو حضرتي كربله چا شفتي الموت
وما صبرتي .. وصار قلبچ بالعطش يبنيْي مفتوت
وچالعقيله .. من نظرتي احسين طايح صحتي ابصوت
قوم بويه .. حرقوا اخيمنه علينه وطبوا لبيوت

لا تسألين اعله لجرى بالغاضريّه
يكفي انطحن جسم الولي بالأعوجيّه
ولعادت الدين * تسأل عن حسين
……….
أبو فاطمة الأحسائي
١٤٤٤/٠١/٢٧هـ باز کردن / نظر دهید

2022-08-20 23:50:45 استشهاد الإمام السجاد عليه السلام

يابو حمزه .. أصبح الموت لبني طه سعاده
وللسعاده .. ابمنهج الحق صرنه نتمنّى الشهاده
لاكن امصاب لجرى * خلّى چبدي امفطّره
.…..******……
يابو حمزه امصاب خلنه انفصلّه
بلكه اليسمع مصابي يبچي له
جارت أيّام الدهر في كربله
ومن فعاله اتشتّت هالعايله

يابو حمزه .. من وصلنه كربله شفنه المصايب
واللي شفته .. خلّى راسي في شبابي يصير شايب
كل مصاب الأذكره * خلّى چبدي امفطّره
.…..******……
يابو حمزه اشلون انسى اللي جره
وآنه شفت أجساد صرعى اعله الثرى
وبويه شفته شلون حزّوا منحره
وعالوطيّه شفته جثّه اموذّره

يابو حمزه .. الدفن جثّة أبوه شلون وضعه
وبالحصيره .. جمّع اوصال الأبو ويتجارى دمعه
من نظرته اعله الثرى * خلّى چبدي امفطّره
.…..******……
ما دهاني اللي جرى ابذبح وقتل
يابو حمزه اللي ذهل مني العقل
شنهو ذنبه ينذبح خويه الطفل
ما جنى ابعمره ويصيبونه ابنبل

يابو حمزه .. بويه أقبل شفته وشايل عضيدي
مو وريده .. چنّه الصابو يبو حمزه وريدي
طفل قطعوا منحره * خلّى چبدي امفطّره
.…..******……
يابو حمزه ما بقى لبويه جلد
وهذا ياذيني ونحل مني الجسد
من لفاني ايقول ماظل لي أحد
وچنّي خيمه وما بقى بيها عمد

يا بو حمزه .. ساعه وانظر والدي فوق الوطيّه
ولفجعني .. جسمه عالغبره تدوسه الأوعجيّه
شفته جثّه امطبّره * خلّى چبدي امفطّره
.…..******……
للمصاب اللي جرى تبچي السمه
والنبي والمرتضى وَيْ فاطمه
يابو حمزه امغسّل حسين ابدَمَه
وحقها عين الشافت حسين العمى

حقها تعمى .. العيون الشافت ابن الزهره صادي
وهوّه نادى .. اي وحق جدّي العطش فتّت فؤادي
ومهجته متفطرّه * خلّى چبدي امفطّره
.…..******……
يابو حمزه مقدر أوصف هالألم
ابليلة الحادي عشر قلبي اضطرم
من شفت نار الأعادي بالخيم
وحالة الأيتام تفجع والحرم

يابو حمزه .. لا تلوم اللي نظر عمْته وخواته
بالمجالس .. من بعد كل لجرى شبعن شماته
من تنوح امخدّره * خلّى چبدي امفطّره
.…..******……
يابو حمزه حقك تقول ابعتب
هالحزن ما ينتهي وتبدي العجب
حزني اعله المنذبح وبلا سبب
اوما تعبت امن البچي ودهري تعب

يابو حمزه .. اوداعة الله حانت الليله وفاتي
وربي يشهد .. ما نسيت حسين لحظه في حياتي
وبويه بس اتذكّره * خلّى چبدي امفطّره
.…..******……
أبو فاطمة الأحسائي
١٤٤٤/٠١/٢١هـ باز کردن / نظر دهید

2022-08-18 00:32:24 باز کردن / نظر دهید

2022-08-10 18:10:03 ليلة الدفن "١٣محرم"

ذبحت احسين وهله يم الشريعه
ما مثلها مرّت اعلينه فجيعه
ميّت اضلوعه كسيره * ودفنوا جثته ابحصيره
وا حسيناه … وا حسيناه
.…..*****……
هالمصاب اليصعب اعله الدنيا تنساه
من يصيح العالم ابحرقه "حسيناه"
الدهر ينعى الذبيح وننعى ويّاه
وا حسينًا وا ذبيحًا وا غريباه

ما نقيس اشما تمر بينه مصايب
كربله بالدنيا تبقى امّ النوايب
عاشر ابوقت الظهيره * ماكو بالدنيا نظيره
وا حسيناه … وا حسيناه
.…..*****……
وسفه جسم احسين من حزوا له الراس
ظل رميّه اعله الثرى وفرجه للارجاس
وسفه جسم ابن النبي بالخيل ينداس
حيث لا انصاره عنده وماكو عبّاس

بو علي ابن المرتضى ونجل الزچيّه
ظل ثلاث ايام عالغبره رميّه
تشخب ابدّمه جروحه * والفلك كلّه ينوحه
وا حسيناه … وا حسيناه
.…..*****……
خيرت الله اعله البرايا زين لعباد
من لفى ايجهّز أبوه وذيچ لاجساد
بالمرض مدهوش حاله وقلبه وقّاد
عالأبو حن وتحسر سيْد لامجاد

ساعد الله قلب ابو الباقر ولينه
من لفى ايجهّز أبو اليمّه وبنينه
من نظر ذيچ الحموله * ظلّت ادموعه هموله
وا حسيناه … وا حسيناه
.…..*****……
من لفه العابد يجهّز خيرت انصار
سايله الدمعه اعله خدّه وبالقلب نار
شاهد القوم القصدها اتواري لاحرار
ساعدوه اعله دفنها وهلّت اعبار

وارى أهله وناره تسعر في فؤاده
ودفنوا انصار انصار السبط أهل السعاده
اوارى اليوث الحريبه * والقلب يسعر لهيبه
وا حسيناه … وا حسيناه
.…..*****……
حضرت الزهره وأبوها لدفن لحسين
والحسن والمرتضى حضروا هالاثنين
كل شخص فاقد شعوره وقلبه شطرين
والدمه تجري يويلي ابمحجر العين

بالخيول احسين جسمه امهشُمينه
وجينه ويّا الساجد لدفنه نعينه
كل قلب يبقى ابعذابه * لجل أبو اليمّه ومصابه
وا حسيناه … وا حسيناه
.…..*****……
أبو فاطمة الأحسائي
١٤٤٤/٠١/١١هـ باز کردن / نظر دهید

2022-08-02 11:35:00 الوصول لكربلاء

جاچ الشهيد احسين يالغاضريه
سبط النبي تدرين وامّه الزچيه
……….
يا كربله المظلوم جاچ ابعياله
عاف ابغصب يا حيف دار الرساله
جاچ ابمعزّه ايريد عزّه وجلاله
لچنّه يبقى بيچ فوق الوطيه
……….
وصّل لچ المظلوم شايل بنينه
وعنده حرم واطفال كلْها حزينه
وبخدّه تجري دموع نجل الأمينه
قال الهم اعله القاع نبقى رميه
……….
ينصار أبو السجاد ابهالأراضي
ابحكم إله الكون يحبابي راضي
نبقى على التربان بارينه قاضي
لا غسل اولا تچفين فوق الوطيه
……….
ابهالأرض عباس تقطع چفوفه
وبيدي الطفل مذبوح چنّي أشوفه
ودمعاتي للعرّيس تبقى ذروفه
وعرسه يصير ابيوم زفّه عزيه
……….
اهنا أشوف الموت من بعد لاكبر
من أنظره عالقاع جسمه ايتعفّر
ومن كثرت الطبرات جسمه توذّر
لجله أشوف الموت قبل المنيه
……….
افقد بنيني اهنا واخواني كِلْها
تبقى على التربان وانعى لجلها
لا غسل اولا تچفين والدم غسلها
وبعد الأهل يا حيف أبقى رميه
……….
بعد الذبح يا حيف نبقى عرايا
وبنت النبي المختار تلقى الرزايا
وبعد المعزّه تروح فوق المطايا
عترة رسول الله ترحل سبيه
……….
أبو فاطمة الأحسائي
١٤٤٤/٠١/٠٣هـ باز کردن / نظر دهید

2022-07-30 07:26:24 حوار بين الكعبة وكربلاء

هالله هالله كربله بحسين إمامي
حجّة الله وينذبح عطشان ظامي
أوصيچ بحسين* يا قرت العين
…..*****…..
الكعبه آنه الخصني الله اعله الوطيّه
ابفضله وانعم بالوصي حيدر عليّه
أوصيچ يا طف كربله وحفظي الوصيّه
بحسين هذا مهجتي وروح الزچيّه

حيدره شرّفني في يوم الولاده
مولده أصبح الي رفعه وسعاده
وبهذا تدرين * يا قرت العين
….*****…..
احسين بولاده وهله شرّف مكاني
يقضي مناسك حجّته وبلهفه جاني
وضمّيته بحضان الوفه ابشوقي وحناني
"أهلا يسبط المصطفى" يهتف لساني

جاني احسين وترك طيبه وأهلها
وحيرة المظلوم أبد ماكو مثلها
وبقلبه نارين * يا قرت العين
…..*****…..
كلمن لفاني آمن ايعيش ابسلامه
آمن يظل ابصحوته وحتى ابمنامه
وحسين جاني ملتجي وقال ابكلامه
الطاغي حلّل في دمي امن الله حرامه

العدو نال اليريده ابكبرياءه
وحلّل ابّيت الله والكعبه دماءه
وتحيّر احسين* يا قرت العين
…..*****…..
ودّعني يا طف كربله احسين ابعياله
وخاطب حجيج الباري اوقال ابمقاله
راحل أنا لطف كربله ابأشرف سلاله
واليمشي ابدربي ابهدى يحظى ابنواله

قال رايح بالأهل للغاضريّه
وحجّه اتبدّل براضيچ لعزيّه
وخلاّني بونين * يا قرت العين
…..*****…..
يا كعبة الله حجّة الباري علينه
احسين جاني ابعزوته واهله وبنينه
وشرّفني لكن من لفاني يالحزينه
برماح وسيوف العدا مستقبلينه

بو علي من أقبل ابنوره عليّه
ارتفع شاني يكعبه ابهالبريّه
وبين البلادين * يا قرت العين
…..*****…..
بالطف يكعبه ابن النبي شاف الرزايا
وبيّه اشكثر قدّم يكعبه من ضحايا
قدّم بنينه وعزوته وضلّوا عرايا
وقطعوا وريده ونسوته راحت سبايا

العذر لله ورسوله وللأئمّه
أرخص المظلوم للإسلام دمّه
بالدم فدا الدين* يا قرت العين
…..*****…..
أبو فاطمة الأحسائي
١٤٤٣/١٢/٢٩هـ باز کردن / نظر دهید

2022-07-29 21:47:14 باز کردن / نظر دهید

2022-07-29 21:47:07 وبعد الضغط على كلمة ( بحث ) يتم ذلك بكتابة المطلوب باز کردن / نظر دهید

2022-07-29 21:46:33 باز کردن / نظر دهید

2022-07-29 21:45:11 طريقة البحث في القناة عن القصائد

بعد الضغط على اسم القناة في الأعلى باز کردن / نظر دهید