2022-05-07 06:19:35
قصيدة لذكرى هدم الأضرحة الطاهرةبالدمع نكتبها قصتنه الحزينه
انشيّد قبور الأيمّه بالمدينه
وصرخة الحق نستمع * يالثارات الضلع
ونمشي ويا المهدي لقبر الأمينه
…..*****…..
قصه نكتبها ابدموع الحسره والآه
نكشف الهم النعيشه والمعاناه
من نطب أرض المدينه ننعه وايلاه
والحزن بالهم نطوفه ونسعه ويّاه
بالزياره نبتدي القصه الأليمه
وهالشعيره أصبحت أكبر جربمه
ورغم كل هذا يظل * عدنه بالمهدي أمل
وجنده احنه النمشي ويّاه ابسكينه
…..*****…..
نمشي بالدنيا الغريبه ابرحلة آلام
وبالحزن تبچي علينه حتى الايام
يا ترى هاللي نشوفه اضغاث احلام
لو يجي المهدي ويحقّق هاي لاحلام
كل محب تغفه عيونه ابكل عشيّه
ابطيفه ايشوف المدينه الغاضريّه
كم حرم عينه تشوفه * وبالحلم يسعه ويطوفه
أربعين انسوّي ثاني بالمدينه
…..*****…..
من كثر ما بينه من هالدنيا غصّات
صرنه نرسم بالقلب قبّه ومنارات
وبيها نكتب بالذهب احلى عبارات
وكل محب اعله فؤاده يطوف مرات
من كثر حب النبي وآله الأماجد
ابكل قلب نبني لأيمّتنه مراقد
ونكتفي ابنبض القلب * من يأذّن للمحب
ابوسطي مدفونه الأيمّه يسمعونه
…..*****…..
اليظن افعله هذا ايغيّر قلوب
احنه ما نعبد حجاره اطّيح ونتوب
من قبل خلق الخليفه وحبنه مكتوب
وحقّه اليهوى الأيمّه ابحبهم ايذوب
امهدّمه قبور الأيمّه من نجيها
ونبقه بس نتحسّر ابلهفه عليها
وننحرم ما نجتمع * وصعبه انهل الدمع
ينسأل ليش اليهل دموع عينه
…..*****…..
نرتقب يمته يجينه صاحب الثار
نحمله فوق الأيادي ونصبح انصار
ونقصد اوياه المدينه ابعزّت احرار
ومرقد الزهره نزوره ونهمل اعبار
نبني ويّاه المراقد باقتداره
وكل قلب بعد الهضيمه تطفه ناره
ويطلع اعلينه الصبح * وينلچم بينه الجرح
تمّت النعمه ابظهور المهدي لينه
…..*****…..
أبو فاطمة الأحسائي
١٤٤٣/١٠/٥هـ
473 viewsمحمد عبدالله, 03:19