Get Mystery Box with random crypto!

نشر القصائد الحسينية لجميع الشعراء

لوگوی کانال تلگرام alialialqran — نشر القصائد الحسينية لجميع الشعراء ن
لوگوی کانال تلگرام alialialqran — نشر القصائد الحسينية لجميع الشعراء
آدرس کانال: @alialialqran
دسته بندی ها: دستهبندی نشده
زبان: فارسی
مشترکین: 2.08K
توضیحات از کانال

رابط القناة 👈 https://t.me/alialialqran
نشر القصائد التراثيه والجديدة وكذلك نشر قصائد لجميع الشعراء للتواصل معنا يرجى مراسلتنا عبر المعرف ادناه 👇👇
@Alrkaby90

Ratings & Reviews

1.33

3 reviews

Reviews can be left only by registered users. All reviews are moderated by admins.

5 stars

0

4 stars

0

3 stars

0

2 stars

1

1 stars

2


آخرین پیام ها 4

2022-08-30 19:56:50 #قصائد_ااسيدة_رقيه_١٤٤٢هجريه




ــــــــــــــــــــــــــــــــــــــــــــــــــــــــ

فارگتني و من غبت جتني الرماح
بيه روس و من شفتهن قلبي صاح

عايني الذاك الرمح . بي وجه كلش سمح

يا رقية يا رقية

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طولت هالغيبة يمكن يمي ما ترجع بعد
بويه من طفلة و سبية هاك إخذ هذا الوعد
مثل ما جسمي بضربهم عن درب جسمك بعد
راح أرد يمك و أشوفك قلبي شمحضر و أعد

راح أعاين للشمر و أصرخ تعال
ليش إيدي مربطيها بالحبال

بلكي هالشدة تزول . و أستمع منك تگول

يا رقية يا رقية

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بويه تدري متوني سوده صفت من گد الضرب
و آنه يم ذوله النواصب عايشه بحالة رعب
رجلي محترگه و شگلك تدري بالموقف صعب
إشلون تتركني أسيرة ويه عمتي بنص غرب

إشلون تتركني أموت من البچي
أنضرب لو ردت عالناگة أنتچي

قلبي يلچمني بجفاك . ياهو يندهلي وراك

يا رقية . يا رقية

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بيها محتاره و شگلك لمن أرفع راسي أشوف
عالرمح چن ذاك راسك و آني عفتك بالطفوف
گمت كل ما أشوفه أنظر جسم و تشيعه ألوف
بلايه راس و صدره يمكن شابع سهام و سيوف

من يمينه چان طايح خنصره
چنت أسمعه يگول أرجو المعذره

بصدري متهشمه الضلوع . الروحة ما بيها رجوع

يا رقية . يا رقية

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أنسى كل هذا الحچيته و إنت تسمع أدري بيك
إنچان عايش مر عليه لو أموت آني و أجيك
بويه لو جسمك تگطع و آل أميه مسلبيك
خلي بس راسك يجيني تره يم عمتي أشتكيك

راح أگلها ما يجيني الغالي ليش
عمه هذا الزمن چا يطلبني بيش

ما تقبلين أشتكيچ . گلتي چم ساعة و يجيچ

يا رقية . يا رقية

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بويه طبينه الخرابه و آنه يمكن راح أنام
بلچن بحلمي أشوفك عندي وي قلبك كلام
أرد أسألك وين صدرك حيل يرعبني الظلام
بس أحفلك من تردلي كونه خالي من السهام

حتى احط راسي و أكمل نومتي
خاف يلچمني جرح ترچيتي

من السياط متوني سود . گتلي يمچ راح أعود

يا رقية . يا رقية

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بويه عندي شهود كثرة ع إلي صار بحالتي
شاهد أول هيه جمرة لوعتني برگضتي
و الأشواك إلي دستها بويه زادت ونتي
و هاذ أثر بإذني تشوفه من گطع ترچيتي

هاي قلة و بيه أكثر والله صار
بالمخيم بويه حرگت چفي نار

إسِتمع من عندي صوت . دزلي راسك أرد أموت

يا رقية . يا رقية

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
#فارگتني
#علي_حسن_الكناني
18 views16:56
باز کردن / نظر دهید
2022-08-30 19:55:28 #قصائد_ااسيدة_رقيه_١٤٤٢هجريه


ــــــــــــــــــــــــــــــــــــــــــــــــــــــــ

نعي للسيدة رقية عليها السلام جديد

ماتت بالغرب وسفة رقية
فوكَ الراس والدمع جرية
اخذني وياك لاتبعد علية
ماتت وعله راسة انگطع ونها
==================
بالمغيسل الميت غسلة واجب
وتلتم كل هلة وكل الگرايب
والمغسل يغسلة وچفنة زاهب
وبت حسين وسفة اتخاف منها
===================
شافتها التغسلها الحزينة
جسمها اسود كثر ما ضاربينة
خافت لا مرض بيها الحنينة
اشو لبعيد راحت غاد عنها
==================
مريضة البت اظننها خطية
چا انه شلون اغسلها بدية
يزينب ما تحاچيني شوية
ماتت من مرضها اليوم چنها
==================

جواب السيدة زينب عليها السلام
=====≠==========
هاي آثار طگات وعظمهه
من كعب الرمح ازركَ جسمهه
وطكَ السوط اذاها وهظمهه
وآثار الحبل وآثار دمهه
================≠=
چي چانت عزيزة الكل ولوها
فلا رحموا زغر سنها ورعوها
ليل انهار بس تبچي اعله ابوها
جابوا بالطشت راسة افجعوها
نادتت وين أهلنا وما اجوها
===================
طكَ بالسوط درب الشام كلة
وفوكَ مصابها بالروح علة
باتت بالخرايب موش سهلة
بت عز ودلال انوب ذلة
وياهم يموت الماتوا اهلة
=================
أسألكم الدعاء رائد الاسدي
18 views16:55
باز کردن / نظر دهید
2022-08-02 01:04:36 فزاعيه لمسلم ع...مع رباط هوسه


الكوفه صارت خيبر ومسلم علي
صاح ابشري طوعه يلله وهلهلي
راس ماخـــــلي وحك رب الولي
بزود فقاري همومج تنــــــــجلي

هاااااا
خيل وخياله... بجدمي اعليهم أسحگ
ــــــــــــــــــــــــــــــــــــــــــــــــــــــ
راح افرغ انفاسهم مــــــــن الهوه
انه اذبح ونتي صيحيلي گــــــوه
سيفي يحصد كل مناحرهم نـــوه
راح اطب بجيشهم مثل الــــضوه

هاااااا
بحيدر حشميني..اليوم امحيها الكوفه
ــــــــــــــــــــــــــــــــــــــــــــــــــــــــ
طبها نار من الله چنه القــــــارعه
واليطلع راسه حتــــــــــما يگطعه
بغـــــــــيرة العباس روحه امدرعه
باب قصر الـــــــرجس ناوي يقلعه

هاااااا
سمرات جفوفه...تشبه جف القالع
__________________________
مو فقار البــــيده يمكن حـــــــــاطمه
سوه برض الكوفه شــــــط من الدمه
هوه ضامي وسيفه هم طگـــه الضمه
دخل للحومه وفلا شـــــــــــاف ازلمه

هاااااا
المالاحه بسيفه..اتصور لابس شيله
__________________________
قائد العسكر لمـــــــــن شافه شرد
بــــــــــزاويه مّن القصر. راح ولبد
گــــــــــــعدت النسوان متكتر گعد
گال مانگـــــــــــدر اله زيدو العدد

هاااااا
ذباها اهدومه...الگابل مسلم حگه
__________________________
لأن شافوو بالــــــــوجه ما ينگدر
يكسر ولا هوه ابــــــــد ما ينكسر
ما نگــــــدره صاحو اله ب الغدر
بالحفيره وسفه طاح مــــن القصر

شلون يطيحونه...حتارو بيه احتارو
ـــــــــــــــــــــــــــــــــــــــــــــــــــ
تمت بفضل ساداتي ص
خادم الزهـــــــــراء ع
المــــــــــلا ياسر الزيادي ١٤٤3هــ
10 views22:04
باز کردن / نظر دهید
2022-08-02 00:52:16 في شجاعة مسلم ع


تحَشَم براعي الشدد//صاح ياحيدرمدد
يامسلم دخيلك يامسلم
****************
صاح انه الهاشمي
ثاري ابد ما عوفه

دمي حار و يغتلي
بدمهم اروي الكوفه

وارث الكرار حيدر
وصولته المعروفه

ركابهم ألصارمي
تراكضت ملهوفه

بي عزم من حيدره//چنه سبع الگنطره
((هاوها هاوها))
تحزم چنه لموت وخله الناس اطك بناس
*****************************
تحزم وسرفن اذراعه
مسلم ابنصها ارتجز

وداعت العباس گلهم
اليوم اطشركم خرز

غيم الكوفه عليهم
بسيفه حين لي برز

سوه طشار بزلمهم
اسد بالحومه ارتكز

اليوم احصدكم حصد//خل زلمكم تستعد
((هاوها هاوها))
بنصهم دك الرايه وخله الجيش اصبح طشار
*****************************
صار بالكوفه عجاج
مغبره وچنها انمحت

ثاري ابوطاهر دخلهه
الروس تتطافر غدت

تلثم وچنه الصميده
طوعه لجله تحزمت

ذكرتني بأبو زينب
ولبن هاشم هوست

هوست هوسه اله//طوعه حرمه معدله
(( هاوها هاوها))
وصاحت مسلم هذا يشبه حيدر والعباس
*****************************
حيراها و عطشاها
ويبس ارياج الزلم

روه سيفه بالمناحر
ماتعب كله عزم

موت احمر شوفاهم
اخو اخيته الينهزم

غرك الكوفه بدماهم
هاشمي وشد الحزم

الكوفه بيهم طووفت//نار سيفه تلاهبت
((هاوها هاوها))
كلهه دخيلك صاحت يابن داحي الباب
*****************************
وحده مسلم گابلاهم
سمه عالسيف ونهض

يطير راسه من رگبته
كلمن اكباله اعترض

ابن هاشم عا لكلافه
چفنه مالحضه غمض

بسيفه متسلط عليهم
خله خيرهم ركض

سوه بيهم معضله//طش خبرهم بالفله
((هاوها هاوها))
الشايل غيرت حيدر ماينذل وُرب الكون
*****************************

تمت والحمد
بقلم خادم ابو حميده
ملا ياسر الزيادي
17 views21:52
باز کردن / نظر دهید
2022-08-02 00:52:02 في حق مسلم ابن عقيل ع

بويه مسلم..............عليك كلبي منمرد
بويه مسلم..............بويه ماضنك ترد
عگبك حميده تيتمت يبويه


""""""""""""""""""""""""""""""""""""""""""""""""""""""""""""
بويه ليليه بصلاتي وبسجودي ادعيلك
ما أصدك شلون بويه بدوني نايم ليلك
لوتشوف لجره عليه وضعي يهدم حيلك
سبب هجرك مرمرتني بويه فدوه دخيلك

بويه مسلم...............طولت درب البعد
بويه مسلم...............بويه مااضنك ترد
عگبك حميده تيتمت يبويه

""""""""""""""""""""""""""""""""""""""""""""""""""""""""""""""
بويه يا لكلك محنه يغله اهلي وناسي
بخدي جرحتني دمعتي وكاطعه انفاسي
بابا اعرفك ماتردلي بيك هذه حساسي
أيست من شفت عمي بيده يمسح راسي

بويهزمسلم................لجيتك كلبي استعد
بويه مسلم................بويه مااضنك ترد
عگبك حميده تيتمت يبويه

"""""""""""""""""""""""""""""""""""""""""""""""""""""""""""
كله مسروره بأهلهه وبلحزن بس انه
ما أنام الليل كله بويه اضل سهرانه
ماشفت راحه بزماني ذب عليه احزانه
غاب اعز الناس عندي وعالهجر ذبلانه

بويه مسلم.................أحسب ايام وأعد
بويه مسلم.................بويه مااضنك ترد
عگبك حميده تيتمت يبويه

""""""""""""""""""""""""""""""""""""""""""""""""""""""""""""
صحت يابويه تعال وشوف حالي بدونك
كصرت عمري غربتك اي وحك عيونك
اضن لا كتلك الكوفه رد الي بضعونك
تشهد الكوفه أبغدرها خوفي ليذبحونك

بويه مسلم..................ياكل ابكلبي البعد
بويه مسلم..................بويه مااضك ترد
عگبك حميده تيتمت يبويه

"""""""""""""""""""""""""""""""""""""""""""""""""""""""""""
كلت يبنيتي اردلج وكلبي ضل يعاني
فتره مرت ونته غايب ماترد شمتاني
صحت ياعمي ابويه ما اضن ينساني
احس مجتول بغدرهم والدي يتماني

بويه مسلم...................للسبي راح استعد
بويه مسلم...................بويه مااضنك ترد
عگبك حميده تيتمت يبويه
"""""""""""""""""""""""""""""""""""""""""""""""""""""""""""

لخادم السيده حميده. ع
الملا.. ياسر الزيادي
12 views21:52
باز کردن / نظر دهید
2022-08-02 00:51:28 ‏مقطع صوتي من الملا ياسر الزيادي

اداء والحان رووووعه



كلمات الشاعر ملأ ياسر الزيادي
16 views21:51
باز کردن / نظر دهید