بوجهي ال صُبَح خالي بس دمعـــتي تـــــلالي يزهراء يز | قناة الشاعر علي حسين الكناني
بوجهي ال صُبَح خالي بس دمعـــتي تـــــلالي يزهراء يزهراء شلون ادخـــل الداري و متشوفچ انظـــــاري يزهراء يزهراء ـــــــــــــــــــــــــــــــــــــــــ ـــــــ انه علي بس مــو علي ذاك الگــبل يام بيتي كبران حيــــل و شيَّبِت و تغَيّرة شخصـــيتي وَيَّاچ احس نص اللحد بيدي ادفنت عافيتي و النَفَس بعدچ فاطمة گوة يطـــــب الريتي
انفاسي مخنــــوگة و احلامي مبــيوگة يزهراء يزهراء مچوي بلهـب ناري و متشوفچ انظاري يزهراء. يزهراء ـــــــــــــــــــــــــــــــــــــــــ فرگتنه شو صارت صدگ و انتهت ذيچ العِــــشرة بس ربنه يـــــدري بالگلب جرحي عليـــچ اشكبره مجبور شديت الچفــــــن اي و الله يالمنكـــسرة و غصباً عليَّ يا فاطــــمة بيدي احفرتلــچ حفرة
بيدي احفرت و ادري هذا الگـــــــبر گبــري يزهراء يزهراء بصدري الجمر ساري و متشوفچ انظـــاري يزهراء يزهراء ـــــــــــــــــــــــــــــــــــــــــ نارين فــــــارت عبــــرتي و صبري تجاوز حده حيدرچ كد ما صب دمع چن وادي صاير خده تعرفينه زيــــن انتي لعلي غيرچ يزهره شعنده للبشــــــر هيه المگـــبرة ليش انه دافن وردة
عفتيني لجـــــــروحي و الونتي و نـــــــوحي. يزهراء يزهراء سيل الدمـــــع جاري و متشوفچ انظــــاري يزهراء يزهراء ـــــــــــــــــــــــــــــــــــــــــ بالماي يطفه كــــل جمر بس جمري بيمن يطفه چن سعفة خلتني ارتعش فرگتچ گــــــد ما كلفة بعيوني ارســــــم صورتچ و اشهگ الف يا وسفه احسله تنصــــاب ابرمد عينه اليفــارگ ولــفه
و المحـــــسن و دمه احســـــلي لـــو أعمه يزهراء يزهراء ما ترحــم اعــــــباري و متشوفچ انظــــاري يزهراء. يزهراء ـــــــــــــــــــــــــــــــــــــــــ اقره اعله روحي الفاتحة كلـــــما الـــچ اقراها و كل دمعة توگع من علي يوگـــــع علي وَيَّاها نظراتچ الكلـــــــها دفـــو عدمن بعــد الگاها و ايامي بعـــــدچ يام هلا كــون الله لا خلاها
عگبچ يضــــي عيني چا شـــــــلي بسنيني يزهراء. يزهراء حسراتي خطــــــاري و متشـــوفچ انظاري يزهراء يزهراء ــــــــــــــــــــــــــــــــــــــــــ الحمدلله علي حسين الكناني