تدريني عليلة عليلة .. كل لحظة أحتام والسفرة طويلة طويلة .. أشه | الشاعر علي نجاح الكناني
تدريني عليلة عليلة .. كل لحظة أحتام والسفرة طويلة طويلة .. أشهور و أيام ..................................................... بالسلامة و غاب عن داري السلام دموعي طاحت غافية أبحضرة إمام گتلي أبقي و آنه طعتك بأحترام لچن طاري الفرگة يرميني أبسهام درب البي تمشي أضعونك ... ما أدري شضام ؟ والسفرة طويلة طويلة .......... أشهور و أيام .................................................... لا تجرح خاطري أبچلمة وداع و فرح گليبي اليحس كل عمره ضاع گلي وي أرچابنه شدي المتاع فرحة منها ما تشيل أجدامي گاع دربك أمشيه بگلبي ........ موش إعله أجدام والسفرة طويلة طويلة .......... أشهور و أيام .................................................... هاك عيني هاي أخذها گبل هاي شلي بيهن كونك أنته مو أوياي بيّه داي وفرگتك داي إعله داي وشوفتك عندي تعادلي دواي والتغفة أبضل والدها ............... لا ما تنضام والسفرة طويلة طويلة .......... أشهور و أيام .................................................... يا فرح عمري و ضوه عيوني الثنين أرد أسألك و أنته أعلم يا حسين أبحيلة راح أوياك زين العابدين ليش عوچية خذتلة يالحنين ؟ يمكن يفهمها شعوري ......معناها الشام والسفرة طويلة طويلة .. أشهور و أيام .................................................... الأفراگ أيريد حيل وسهر ليل و آنه بمصلايتي ظهري يميل منين أجيب الحيل وآنه أبلاية حيل ؟ يا چبير الفَي تره أفراگك ثجيل گلب المكسورة خاطر ... حايط من جام والسفرة طويلة طويلة .. أشهور و أيام .................................................... التفاته وخطوة خطوة حسين راح الساني ساكت لچن كل شي بروحي صاح رحل عن أرض النبي وجه الصباح تالي راسه و راس أخوتي إعله الرماح بعدك لا گلب اليهجع .............. لا جفن أينام والسفرة طويلة طويلة .......... أشهور و أيام .................................................... إلى خادم الحسين (عليه السلام ) : علي نجاح الكناني
