35- مراعات نظیر ،یا، اوزلاشما نه دیر ؟ بیر مصراعدا بیر - بی | علی جباری(علی معللیم)

35- مراعات نظیر ،یا، اوزلاشما نه دیر ؟

بیر مصراعدا بیر - بیرینه اویغون یاراشان سؤزلرینی گتیرمک
اؤرنک
بیچین اوستو سونبول بیچین اوراقلار
ائله بیل کی زولفی دارار داراقلار
شکارچیلار بیلدیرچینی سوراقلار
بیچین چیلر آیرانلارین ایچرلر
بیر هوشلانیب سونرا دوروب بیچرلر
اوستاد شهریار
اؤرنک
باخین
بیرینجی مصراعدا بیچین، سونبول، اوراقلار
اوچوده بیر - بیرینه اویغون دور
یا
زولف داراق
یا
شکارچی ، بیلدیرچین، ....

حیدربابایا ، دیققتله باخین بونلاردان چوخ وار

36- تضمین ،یا، بیریندن گتیرمه نه دیر ؟

شاعیر یا یازار اثرینده بیر باشقا شاعیر یا یازارین اثرینین هامیسین یا بیر بؤلومون گتیره یا آنلامینا ایشاره ائلییه . تضمین دئییلیر.
اگر بیر حدیث یا آیه، یا مثل عینا گلسه تضمینه درج دئییلیر .
اگر کوللی معناسینا ایشاره اولسا " حل "
دئییلیر.

37 - ارسال مثل،یا، مثل ایشلتمه نه دیر ؟

شاعیر و یا یازار اثرینده بیر آتا سوزو یا مثل ایشلدسه او مثل ایشلتمگه یا ارسال مثل دئییلر.
اؤرنک
الی ایشده گوزو اویناشدا "
بو بیر مثل دیر

38 - نظیره ،یا، اوناتای ، نه دیر ؟

بیر شاعیرین شعرینه بنزر بیر شعرلر یازیلسا نظیره دئییلیر .
اؤرنک
حیدربابا شعرینه بنزر نظیره شعرلر بول بول وار .
البتده
بو نظیره شعرلر معمولا موفق شعرلره یازیلار

39- سلخ ،سرقت ادبی.یا، ادبی اوغرولوق نه دیر ؟

بیر شاعیرین شعرین مسلخه آپارماق . اوغورلاماق .
شاعیرین شعرینین لفظ لرین دئییشیب ، اوز آدینا یایماغا،
سلخ ، سرقت ادبی ،یا، ادبی اوغرولوق دئییلیر.


اگر بیری ، بیرینین بیر یا نئچه سؤزوندن یا مصراع ، بیت یندن خوشون گلیرسه
یازماق ایستیرسه
اونو یازا یازماق اولار
آنجاق
حتمن اونو دیرناق ( ) یا بوتای < > قیومه آراسینا سالینمالیدیر
بیلینسین باشقا آدامیندیر
یئری اولسا آشاغیدا ، پاورقی ده اونو یازانین آدی گلسه ، لاپ گؤزل اولار


40- حشو دیر ،یا، آرتیقدیر نه دیر ؟

حشو یعنی بیر نئچه هم معنانی سؤزو یئرسیز آرتیق گتیرمک
یا بیر سؤزو یئرسیز تئز - تئز ِگتیرمک
اؤرنک
اسکیک ، آلچاق...

یا
باشقا اؤرنک

او بئله دئدی
او بونو دئدی
او...
بوردا او حشو اولور
بئله دئدی بونو ائتدی
یازیلاندا یاخشی اولور
چون فعلرینده او سوزو واردیر
یعنی
او اوچونجو شخص ضمیری دیر
چون
فعلده اوچونجو شخصیت منسوبیت اکی واردیر
اونا گوره گتیرمک لازیم دئییل ...

یا
شعرده ، یا، دوز یازدا ( نثرده ) اوستده بیر سؤزو بیر سؤزو ، فیکری ، پیامی دئییب
سونرا اونو بالاجا دئییشیکله آشاغیدا یئنه دئمک یاخشی دئییل
چون یوروجو اولار
نه قدر ییغجام اولسا اوقدر گؤزل اولار

41 - اقتباس ، الهام آلماق نه دیر ؟

کهنه بیر اثردن الهام آلیب، باشقا بیر یئنی بیراثر یاراتماق
دوز عینی او اثر اولماز
آنجاق
حتمن اوندان بیر ایزلر اولار
بیر دامارلار گورسنر
بیلینر کی، بونو یازان او کهنه اثری اوخویوب
یا
فیلم اولسا او فیلمی گؤروبدور ....


علی جباری