#خطاب_مولاتنا_العليلة #لوالدها_الحسين_عليهم_السلام لأرض العراق حسين بناقص ضعن ماشين ابنيه بعد ناسين — گللهه أمشي وياي منا مريضه انوب افگد ضعن مهيوب شثگله عليه الثوب — بهاي ايدي اشيلن هاي اباب البيت وحيده ابلا سكنه وحميده وما مدالي ايده من صاحلهن وراح ومحضره غراضي ما بالروحه راضي ما ينفع ركاضي وبعيد الضعن سار راحوا بس يا روحه = راحوا ع الموت والمرضه من اتصيّح = ما يطلع صوت بيا منظر ضعن اهلي = كدامي يفوت ============================= بماي الشراب احتار اعله صدري ينزل حار وبس الصور بالدار — والبالصور ماشين ، ، جفني بدمع مطبوگ وامشي اعله ممشه النوگ وأتمنى انا الفوگ ، ، — ويحديني ابوي حسين اقرب ليل عليه اتشرحه المغربيه البي راحت رقيه والمحمل نقص بي اتچه اعله دمعي وايدي امضيعه ضلعي محد يدري وضعي ويامن ضيمي احچي ضعن البي ولياني = خلاني وراح صاير عتبي ودمعي = امراكض وصياح وباچر زينب تچوه = اتصيرلهه ارماح ============================= اكعد واحاجي الروح فارگتي اعز مذبوح ، ، بيت الاهل مجروح — مفارگله راعي البيت طال الضعن ممشاه وروحي مشت وياه العايفني وين الگاه — دموعي بدرب طشيت بسالفتي الطويله ياهو الاشتكيله ظلتلك عليله يابويه تِرِد كون ما اكف من ونيني وتعرضلي اعله عيني اصوّركم من تجيني تلفي وتعمي العيون ما يتهنه بنومه = ايظل المعلول مو مثلي ومختنگه = والليل يطول حده لعتبت بابي = جدمي المشلول ============================== عذر المرض مو خوش وچفي العليله تنوش دمعه اعله درب رموش — امچان اعله خدي تريد ردت الحگ افتح باب وبسرعه الف لحجاب فجأه ضعنكم غاب — بخطواته صار ابعيد ياهو يسنده كلفه الملت منه چفه گاضي الوگفه رجفه من احزانه الغميجات ابقه اطرح سؤالي وشيخلص الليالي الغرگني بدلالي راح بضعنه لچمات ابديهه وانهيهه = بچلمات اعتاب ليله وضايع ضيهه = مضويهه الغاب ما متعوده الوگفه = اعله اعتاب الباب ============================== علي مهدي المالكي https://t.me/alimahdi9x9 8.9K views06:10
